Shfrytëzonin një grua për prostitucion, tre në pranga

 Në pranga ranë Kasem Deçka, 21 vjeç, Arsid Logli, 29 vjeç dhe Marin Batha 20 vjeç, të cilët shfrytëzonin për prostitucion një 24-vjeçare.

Ata e detyronin vajzën të kryente marrëdhënie me ta dhe me persona të tjerë, kundrejt parave. Viktima me inicialet D.R një ditë më parë vuri në dijeni bashkëshortin dhe vëllanë e saj për ngjarjen.

Ndërhyrja në kohë e policisë ka arritur të arrestojë autorit, teksa parandaluar edhe një krim të mundshëm pasi burri kishte marrë një sëpatë për të qëlluar të rinjtë.

Gruaja ka deklaruar në polici se të rinjtë nën kërcënimin e armëve të ftohta e kanë shfrytëzuar që prej janarit të këtij viti. Pagesat për person ishin 1 mijë lekë të rinj. /Start/

                                                                                             2012-08-18 13:32