Ti japësh një atësi fëmijësmision i pamundur në Gjykatën e Tiranës

—-Nga Dorina Bilbili—-

Tiranë- Absurdi i drejtësisë shqiptare merr trajta tragjike dhe mospërfillëse kur vihet re se në evidencat e Gjykatës së Tiranës edhe çështjet që prekin familjen pësojnë të njëjtin fatshtyrje për muaj e vite me rradhë.

Platforma denoncuese IDEA në vazhdën e publikimeve të saj, sjell sot padinë e një nënë të re E.B, nga Elbasani e cila më datën 19.09.2011 ka paditur shtetasin E.C për të marrë përgjegjësitë e njohjes së atësisë për foshnjen V.B e lindur më 07.11.2004.

Sakaq dy muaj më vonë, më 18.01.2012 beteja e nënës për ti dhënë vajzes së saj mbiemrin e të atit dështon pasi mungon i padituri. E sërish duhet të kalojnë dy muaj që beteja e rradhës të mbahet, e cila rezulton sërish e dështuarMë 01.03.2012 seanca gjyqësore nuk u zhvillua për arsye se gjyqtare Brunilda Kasmi ndodhej në seminar në shkollën e ”Magjistraturës” Tiranë.

Më 18.04.2012 gjykata vendosi të shtyje seancën përgatitore pasi vlerësoi se duhen plotësuar të metat e padisë.
Një muaj më vonë, më 25.05.2012 çështja merr vetëm një shënimnë të cilin thuhej: Seanca gjyqësore e datës 25.05.2012 ora 14.00, nuk u zhvillua për shkak se gjyqtarja Brunilda Kasmi ka qënë me raport mjekësor.

Në muajin Prill, më 27.06.2012 gjykata vendosi të shtyjë seancen për të njoftuar rregullisht palën e paditur, e cila mesa duket vijon të shpërfille jo vetëm të bijën por edhe gjykatën.

Vogëlushja V, dhe nëna e saj duhet të presin vjeshtën, pak muaj para se të festojë 1-vjetorin, që gjykata ti dhurojë babain e saj. Seanca e ardhshme do të zhvillohet me datën 26.09.2012 teksa gjyqtare Brunilda Kasmi ka akumuluar 334 ditë gjykim  nga 332 që kanë çështje të ngjashme për tu mbyllur me një vendim.