Shirat veshtiresojne punen e ekspedites arkeologjike shqiptaro-gjermane
Shkarjet e dherave prej shirave te fillim vjeshtes ne kodren ku shtrihet teatri i lashte romak ne qytetin antik te Apolonise rrezikojne punimet e ekspedites shqiptaro-gjermane e cila ka me se nje jave qe ka filluar germimet ne kete zone. Ky rrezik i bashkengjitet edhe shkaterrimit qe po pesojne rreth 25 statuja te ekspozuara ne natyre ne brendesi te muzeut te Apolonise se lashte statuja qe u vendosen aty pas shkarjeve te dherave vitin e kaluar ne kodren ku eshte ngritur ky muze. Ekspedita do te vazhdoje me germimet dhe punen studimore per rreth nje muaj edhe pse nuk ka ne dore nje studim te mirefillte gjeologjik per kodren ku eshte ndeshur ky fenomen. Edhe pse me pare u fol qe do te vinte nje ekip gjeologesh per te studiuar shtresat gjeologjike te tokes dhe percaktuar rrezikshmerine e shkarjes se dherave kjo ende nuk ka ndodhur. Nje nga bashkedrejtuesit e ekspedites arkeologu Bashkim Lahi deklaroi se kjo shkarje pervecse ka demtuar punen zbuluese rreth 5-vjecare te ekspedites duke shkaterruar strukturen pamore te teatrit mban ne rrezik zonen edhe per germimet e tanishme pavaresisht se ato po kryen ne vendin e orkestres si dhe ne sheshin perballe teatrit rreth 2300-vjecar. Ai tha se objekti kerkon nderhyrje nga ana e shtetit duke perfshire ne kete kerkese edhe shkaterrimin qe po pesojne rreth 25 statuja dhe elemente te tjere historike te lene ne meshire te fatit ne brendesi te muzeut historik te Apolonise. Objekti i teatrit eshte zbuluar rreth viteve 1958 nga nje ekspedite e perbashket shqiptaro-ruse. Pese vitet e fundit aty vijojne germimet nga ekspedita shqiptaro-gjermane. Nje muaj me pare ministri i Kultures dhe Turizmit gjate vizites ne Apolonine e lashte deklaroi se shume shpejt do te restaurohet muzeu dhe do te zhvendosen statujat nga vendi i tanishem ndersa theksoi se do te kete investime edhe ne ruajtjen e vlerave te zbuluara ne restaurimin e tyre.