Shitja e produkteve ushqimore, akulloret dalin me mikrobe

Nje pjese e mire e akulloreve apo embelsirave qe prodhohen ne punishtet e kryeqytetit kane permbajtje mikrobike. Kjo eshte konstatuar nga vete inspektorati sanitar gjate kontrolleve te ushtruara kohet e fundit. Sipas te dhenave rezulton se ato subjekte, te cilet ndodhen kryesisht ne ane te rrugeve, por edhe pa kushte bashkekohore dhe pajisjet e duhura, jane ato qe kane probleme per sa i perket higjienes. Ardhja e veres por edhe shtimi i rasteve te pacienteve gjate diteve te fundit ne urgjencat e spitaleve, kane detyruar inspektoret sanitare te kryejne nje sere kontrollesh ne punishtet e prodhimit te akulloreve dhe embelsirave. Te dhenat paraprake kane treguar se nje pjese e mire e tyre nuk kane zbatuar rregullat e percaktuara nga inspektorati sanitar, ndaj iu eshte kerkuar plotesimi i tyre per nje kohe te shkurter. "Me rritjen e temperaturave, rritet edhe konsumi i akulloreve apo embelsirave te cilat ruhen ne kushte frigoriferike. Per kete arsye nga ana jone, jane kryer nje sere inspektimesh ne punishtet e embelsirave dhe dyqanet ku tregtohet akullore", eshte shprehur drejtori DSHP-se se kryeqytetit, Gjergji Ndoja. Sipas tij, gjate ketyre muajve jane kontrolluar 123 subjekte private, por vetem per nje pjese te tyre ka rezultuar se produktet qe tregtojne, kane permbajtje mikrobike. "Eshte konstatuar nje ndotje tek akullorja qe tregtohet, ne shifren 4 per qind, krahasuar me 10 per qind te nje viti me pare", ka pohuar Ndoja. Sipas tij, nese qytetaret konsumojne keto lloj produktesh, pasojat shendetesore do te jene te menjehershme duke filluar nga helmimet, diarete e te vjellat.

Gjobat

Sipas specialisteve deri me tani, ne ato pasticeri apo punishte ku prodhohen embelsira dhe akullore te cilat kane rezultuar pozitive ndaj permbajtjeve mikrobike, nuk jane gjobitur. Me shtimin e prodhimit te akulloreve, per shkak te stines se nxehte 22 inspektoret sanitare do te shoqerohen nga policia bashkiake. Ata do te mbyllin te gjitha pikat qe shesin prodhime te ndotura.