Shiu i dendur mbulon me uje urat e Livadhjase
Pas Komunes se Markatit reshjet e dendura te shiut kane krijuar probleme edhe ne zonen e Livadhjase. Grupi i emergjences i ngritur nga nenprefektura e Sarandes ka inspektuar dje te dyja zonat nga jane raportuar me permbytje tokash dhe nderprerje te qarkullimit te automjeteve dhe kembesoreve per shkak te perfshirjes nga uji edhe te urave qe lidhin Shalesin dhe Zminecin me fshatrat e tjera fqinje dhe me qendren e komunave.
Nenprefekti Gjergji Mano ka pohuar se nderhyrjet kane nisur nga infrastruktura rrugore ne akset ku ajo ka pesuar deme me te medha per shkak te vershimit te ujerave. Sipas tij probleme jane krijuar jo vetem ne Shales qe u raportua nje dite me pare por pothuaj pergjate gjithe aksit rrugor Qafe Bote-Krane. Sipas tij te papershkueshem kane mbetur rruget qe lidhin fshatrat Shales-Verve dhe Ninat-Janjar. Ndersa ne Komunen e Livadhjase jane regjistruar demtime ne uren e Zminecit si dhe te rruges qe lidh kete fshat me pjesen tjeter te komunes. Punonjes te emergjencave dhe ata te komunave si dhe nga zyra e bujqesise dhe bordi i kullimit kane evidentuar deme te ndryshme qe kane pesuar ne te dyja komunat blegtore dhe fermere te cileve u jane permbytur te mbjellat apo magazinat e prodhimit stallat e bagetise apo kosheret e bleteve. Nderkohe mesohet se ne te dyja komunat jane thirrur mbledhje urgjente te keshillave komunare te cilat kane pare dhe vleresuar jo vetem situaten e krijuar por edhe mundesine e transferimit te disa fondeve te emergjencave per te nderhyre ne rehabilitimin e situates se krijuar.