Shkeli afatet e qendrimit ne Shqiperi gjermani dergohet ne qender te mbyllur

Policia Kufitare e Durresit ka derguar ne nje qender te mbyllur nje shtetas gjerman te cilit i kishte perfunduar afati i qendrimit ne Shqiperi. Burime policore thane per gazeten Shqip se per shtetasin gjerman Wolf Achim Rauch i datelindjes 5 shtator 1953 dhe posedues i pasaportes me nr. 6263064319 ka pasur nje urdher largimi nga territori i vendit tone nr.16 date 23 shkurt 2010 te cilin ky shtetas duket se e ka shperfillur. Ka qene nje kontroll i policise ne piken e kalimit ne Durres ai qe ka zbuluar edhe shkeljen e bere nga 57-vjecari ndaj te cilit nuk mund te merrej asnje mase tjeter pervecse te dergohej ne qendren e mbyllur.

Dy dite me pare ne nje tjeter kontroll policia kufitare ka derguar ne qeli edhe dy shtetas turq te cilet donin te largoheshin drejt Italise me dokumente false. Kontrolloret kane pikasur parregullsine e dokumentacionit dhe i kane ndaluar dy turqit per ti marre me pas ne pyetje ne lidhje me menyren se si ata i kishin perfituar ato dokumente. Menjehere pas intervistimit uniformat blu kane konkluduar per ndalimin e dy kundervajtesve dhe mbajtjen e tyre ne qender te mbyllur deri ne deportimin drejt Turqise.