Shkelja e konkurrences, biznesi po shton ankesat Eglantina Nasi
Shkelja e rregullave te konkurrences ne treg, po shoqerohet me nje rritje te ankesave te biznesit drejtuar autoriteteve perkatese. Nje fakt i tille u pohua dje nga kryetarja e Autoritetit te Konkurrences, Lindita Lati, gjate nje takimi me anetare te Dhomes Amerikane te Tregtise. Sipas saj, vetem gjate dy muajve te pare te ketij viti, eshte shenuar ne total nje numer prej 7 ankesash qe biznese te ndryshme i kane drejtuar institucionit qe ajo drejton. Shifer kjo, e cila u komentua, sipas saj, si nje rritje e sensibilizimit te biznesit per domosdoshmerine e respektimit te rregullave te lojes ne tregje te ndryshme. Nderkaq, nje ide interesante qe Lati hodhi gjate ketij takimi, ka qene edhe ajo mbi krijimin e nje avokati te konsumatoreve ne raport me institucionet financiare. Duke shtuar me tej, se Autoriteti i Konkurrences ka parashikuar qe gjate ketij viti, te kryeje me teper nderhyrje ne tregje per te ndaluar cdo lloj abuzimi apo shkelje te ligjit te konkurrences. Vetem para pak ditesh, kryetarja Lati publikoi para deputeteve te dhenat vjetore te institucionit te Autoritetit te Konkurrences, duke pohuar se gjate gjithe vitit 2011, prane tij jane depozituar 13 ankesa nga ana e bizneseve per shkelje te rregullave ne tregje te ndryshme. Shifer kjo, e cila, ne fakt, po te krahasohet me ate te ketij viti (7), flet per nje rritje te tyre, rrjedhimisht edhe per nje shkalle me te larte te pergjegjshmerise per te denoncuar rastet e dominimit ne treg apo shkeljes se konkurrences se lire. Nderkaq, raporti vjetor i AK-se, bente me dije gjithashtu edhe faktin se gjate vitit te kaluar, nga ana e Autoritetit te Konkurrences jane nxjerre rreth 43 vendime per zbatimin e ligjit te konkurrences, shoqeruar edhe me vendosjen e mjaft gjobave, me nje shume totale prej 1 miliard lekesh. Konkretisht, gjate vitit 2011 jane dhene: 3 vendime per masa te perkohshme per ndalimin e praktikave antikonkurruese; 1 vendim per vendosje gjobe ndaj 20 ndermarrjeve; 6 vendime per miratimin e rregulloreve apo udhezuesve; 5 vendime me rekomandime te adresuara enteve rregullatore dhe institucioneve te tjera qendrore; 10 vendime per autorizimin e transaksioneve te perqendrimeve; si dhe 19 vendime per zbatimin e procedurave te brendshme te Autoritetit te Konkurrences.