Shkodër, gjykata lë në burg 19 vjeçarin që vrau nënën
Arrest në burg ka vendosur dje si masë sigurie gjykata e shkallës së parë në Shkodër për 19- vjeçarin Ylber Tahiri, i ndaluar nga policia me akuzën e vrasjes së nënës së tij Lumnijes. Trupi gjykues i kryesuar nga gjyqtari Hasan Selimi pasi ka dëgjuar provat e paraqitura nga organi i akuzës i përfaqësuar nga prokurorja Edlira Cufi, e cilësoi të ligjshëm ndalimin e bërë nga policia për 19- vjeçarin, që më 22 mars të këtij viti vrau brenda në banesë nënën e tij 37- vjeçare. Dhe pas kësaj, bashkë me familjarët e tjerë e fshehu krimin duke e varrosur nënën dhe paraqitur vdekjen e saj si vdekje natyrale.
Sipas akuzës, vetëm në përfundim të hetimeve do të përcaktohet vepra penale si vrasje nga pakujdesia apo vrasje me dashje, pasi duhen pritur rezultatet e ekspertizave përkatëse. Prokuroria e Shkodrës ka bërë gjithashtu kërkesë për zhvarrosjen e kufomës me qëllim ekspertimin mjeko- ligjor. Mbrojtja ka kërkuar që gjykata të caktoj për 19 vjeçarin si masë sigurie atë të arrestit në shtëpi dhe këtë e ka motivuar me deklarimet e të pandehurit, familjarëve dhe rrethanave të ngjarjes, që sipas saj janë bindëse se vrasja ka qenë nga pakujdesia. Arma sipas mbrojtjes është shkrepur aksidentalisht nga djali teksa ky po e pastronte dhe ka goditur nënën e tij që ndodhej në dhomë. Gjithashtu mbrojta ka theksuar se Ylber Tahiri që nga dita e ngjarjes është në kushtet e tronditjes psikike dhe nuk ka qenë asnjëherë i dënuar dhe ai nuk përbën rrezikshmëri. Por gjykata ka vendosur arrest me burg.
Sipas akuzës, vetëm në përfundim të hetimeve do të përcaktohet vepra penale si vrasje nga pakujdesia apo vrasje me dashje, pasi duhen pritur rezultatet e ekspertizave përkatëse. Prokuroria e Shkodrës ka bërë gjithashtu kërkesë për zhvarrosjen e kufomës me qëllim ekspertimin mjeko- ligjor. Mbrojtja ka kërkuar që gjykata të caktoj për 19 vjeçarin si masë sigurie atë të arrestit në shtëpi dhe këtë e ka motivuar me deklarimet e të pandehurit, familjarëve dhe rrethanave të ngjarjes, që sipas saj janë bindëse se vrasja ka qenë nga pakujdesia. Arma sipas mbrojtjes është shkrepur aksidentalisht nga djali teksa ky po e pastronte dhe ka goditur nënën e tij që ndodhej në dhomë. Gjithashtu mbrojta ka theksuar se Ylber Tahiri që nga dita e ngjarjes është në kushtet e tronditjes psikike dhe nuk ka qenë asnjëherë i dënuar dhe ai nuk përbën rrezikshmëri. Por gjykata ka vendosur arrest me burg.