Shkodër, kapen 9 pistoleta, arrestohet një suedez

Policia kufitare e Murriqanit në Shkodër ka sekuestruar sot një sasi armësh ndërsa ka arrestuar edhe poseduesin e armëve, një shtetas suedez.

Sipas informacioneve policia ka gjetur 9 pistoleta në një autobuz gjatë një kontrolli rutinë ndërsa pas hetimeve u konstatua se armët ishin të shtetasit suedez, identiteti i të cilit nuk është bërë i ditur.

Gjithashtu policia ka arrestuar edhe drejtuesin e autobuzit pasi dyshohet se ka ndihmuar shtetasin suedez për transportimin e armëve të zjarrit në anën tjetër të kufirit.

Mësohet se shtetasi suedez udhëtonte nga Kosova drejt Gjermanisë ndërkohë  që policia po vijon hetimet për identifikimin e personave të tjerë të përfshirë në këtë trafik armësh.