Shkodër, problem boja dhe dublimet

Në Shkodër, pranë dy qendrave të votimit në universitetin "Luigj Gurakuqi", rreth mesditës është bllokuar procesi i votimit. Komisionerët e PS-së kanë ngritur pretendimin se boja identifikuese hiqej lehtë nga gishti pas votimit. Votimi është ndërprerë derisa është ndërruar boja. Ndërsa në Pukë janë vërejtur mungesa në numrin e fletëve të votimit, llambave të verifikimit dhe bojës së vulave. Gjithashtu janë identifikuar 360 dublime, ku një person ka votuar deri në katër qendra të tjera.