Shkodër, radhë për aplikimin për pasaporta

 Afati i skadimit të përdorimit të pasaportave të vjetra në pranverën e vitit 2012, ka bërë që në sportelet përkatëse të ketë dyndje në ditët e para të vitit të ri. Pjesa më e madhe e shtetasve, që kërkojnë të pajisen me pasaportat e reja, janë emigrantët.

Teksa ditët qëndrimit për shumicën prej tyre po mbarojnë, mos kryerja e aplikimit në kohë, rrezikon kthimin e tyre në vendet ku ata punojnë dhe jetojnë jashtë Shqipërisë.

Situatën në fjalë e kanë ndjekur prej së afërmi gjatë ditës së sotme edhe drejtues të qeverisjes vendore, të cilët në bashkëpunim me kompaninë përkatëse të autorizuar për kryerjen e këtij procesi, garantuan normalizimin e situatës./Start/

                                                                                             2012-01-05 16:02