Shkrimtari francez promovon "misteret e Napolit"

Dominique Fernandez ka virtytin që tërheq dhe ruan të pandryshueshëm simpatinë e lexuesit ndaj tij. Por virtyti më i madh i një shkrimtari mbetet para së gjithash talenti: e në këtë rast, edhe nëse numri i atyre që e ndjekin ulet ndjeshëm, talenti i Dominique Fernandez mbetet i padiskutueshëm. Në Itali, aty ku veprat e tij përkthehen më shpesh se në çdo vend tjetër, janë të shumtë ata që e kujtojnë librin "Porporino ose misteret e Napolit". Në këtë kuadër, stina Ndërkombëtare e Muzikës Klasike do të sjellë sot në Tiranë një protagonist të rëndësishëm të letërsisë, për të promovuar një nga librat e tij më popullorë "Porporino ose misteret e Napolit" në një takim të dyfishtë, ku krahas promovimit do të ketë edhe një koncert nga Akademia e Silingit. Të dyja takimet do të mbahen sot në Akademinë e Arteve. Romancieri dhe studiuesi francez Dominique Fernández, italian me famë ndërkombëtare, fitues i çmimit "Prix Médicis" dhe "Prix Goncourt", do të prezantojë në Akademinë e Arteve në Tiranë, në romanin e tij ngjarjet e të cilit janë ambientuar në Napoli në gjysmën e dytë të viteve ‘700. Përreth figurës imagjinare të protagonistit Porporino, këngëtar i kompanisë së sopranove të seksit mashkull. Në roman, ai na sjell ngjarje e personazhe të vërteta, duke nisur që nga i riu Moxart deri tek i jashtëzakonshmi Farinelli, që nga ekonomisti Galiani deri tek e mrekullueshmja Lady Hamilton, mbi sfondin e një Napoli të rafinuar e të pisët, kryeqytet i arkitekturës dhe i artit, pikëtakimi i Evropës vezulluese njësoj si Parisi dhe Londra.

Dominique Fernandez, shkrimtar me famë ndërkombëtare, ka lindur në Paris në vitin 1929. Letërsia e tij përfshin studime të karakterit kritik letrar, romane por edhe shumë udhëtime. Ai konsiderohet si një prej italianistëve më të mëdhenj francezë.