Shpenzimet, si do te shperndahen deri ne 2010

Sektoret e Arsimit te Shendetesise, infrastruktura rrugore do te jene prioritare ne shpenzimet buxhetore deri ne vitin 2010. Sipas burimeve ne Ministrine e Financave struktura afatmesme e shpenzimeve bazohet ne parashikimin e te ardhurave dhe financimeve per periudhen 2008-2010, dhe eshte ne perputhje me strukturen e rene dakort me FMN-ne. Totali i shpenzimeve publike parashikohet te arrije ne rreth 31 per qind te PBB-se ne vitin 2010, nga 34. per qind qe pritet te arrijne gjate vitit 2008. Eksperte ne Ministrine e Financave thane se, totali i shpenzimeve buxhetore ne raport me Prodhimin e Brendshem Bruto do te jete ne nivelet me te larta gjate vitit 2008 per shkak te perqendrimit te financimeve per ndertimin e rruges se re Durres-Kukes. Me pas gjate 2009-2010 do te kete nje renie graduale te nivelit te shpenzime te pergjithshme te buxhetit me rreth 3 % ne krahasim me PBB. Gjate tre viteve te ardhshme shpenzimet e buxhetit do te karakterizohen ulje e shpenzimeve per investime, per interesa, pergjysmim i shpenzimeve per subvensionet. Nderkohe qe do te rriten shpenzimet per personelin, mirembajtjen, pushtetin vendor. Ne te gjitha keto zera shpenzimesh, do te kene mbeshtetjen me te madhe me fonde sektoret e arsimit dhe te shendeteise dhe ndertimi i rrugeve.
Ne kendveshtrimin historik nivelet e uleta te te ardhurave buxhetore dhe rritjet e ndjeshme e borxhit publik, kane ushtruar presione, duke ndikuar ne reduktimin e vazhdueshem te shpenzimeve qeveritare. Ne terma real, rritja e shpenzimeve ka filluar vetem pas vitit 2000. Ashtu si dhe te ardhurat buxhetore, shpenzimet qendrojne nen nivelin mesatar te ekonomive ne tranzicion. Shpenzimet per investime kane shenuar nje rritje te qendrueshme, por nje problem i vazhdueshem mbetet perfshirja e financimeve te huaja ne sistemin buxhetor. Vleresohet se rreth 30 per qind e financimeve te huaja akoma mbeten te paraportuara, gje qe krijon veshtiresi ne menaxhimin financiar, shtyrje te projekteve, per shkak te mosalokimit te fondeve te pjese lokale, si mbulimi TVSH, etj, dhe mungese te transparences. Problemet thelbesore ne investimet publike mbeten, mungesa e kapaciteteve profesionale brenda ministrive te linjes ne planifikim dhe buxhetimin e projekteve. Nga analizat qe jane per eficencen e shpenzimeve buxhetore, ka rezultuar se, projektet e investimeve nuk kane procedura te qarta dhe transparente te kostove baze dhe teknikave te llogaritjes. Mekanizmat e monitorimit te projekteve, vecanerisht te projekteve infrastrukturore mbeten mjaft te dobeta, gje qe jo rralle ka krijuar probleme ne cilesine e dobet te punimeve ne projektet e financuara, vonesa dhe zvarritje ne perfundimin e projekteve ne afatet e parashikuara; kerkesa per shtesa fondesh
per shkaqe te ndryshme, etj.
Investimet publike
Financimi i huaj per periudhen 2007-2010 eshte parashikuar te ulet cdo vit duke arritur ne 1.98% te PBB-se ne vitin 2010, pervec faktit per shifrat e parashikuara per vitet 2008 e 2009 te cilat lidhen me financimin e rruges Durres-Kukes-Morine. Nga ana tjeter, shpenzimet kapitale me financim te brendshem do te rriten cdo vit duke arritur 4.37% te PBB-se ne vitin 2010, te cilat do te shkojne kryesisht per sektoret prioritare si: arsimi, shendetesia dhe infrastruktura.
Shpenzimet e personelit
Gjate kesaj periudhe do te ndiqet e njejta politike duke mbajtur koston e shpenzimeve te personelit per pushtetin qendror ne nivelin 6.3 % te PBB-se. Shpenzimet per personelin perfshijne pagat dhe sigurimet shoqerore per punonjesit e pushtetit qendror. Per rrjedhoje, rritja reale e pagave do te jete mbi normen e inflacionit gjate periudhes 2008-2010.
Shpenzimet per interesa
Interesat e brendshme parashikohet te ulen nga 2.53 % te PBB-se ne vitin 2006 ne 2.43% ne vitin 2010. interesat e huaja do te rriten lehte nga 0.23% e PBB-se ne vitin 2006 ne 0.5% te PBB-se ne vitin 2010.
Shpenzimet operative dhe te mirembajtjes
Shpenzimet operative dhe te mirembajtjes per pushtetin qendror jane parashikuar te rriten ne 2.89% te PBB-se ne vitin 2010, cka eshte ne perputhje me politiken per reduktimin e shpenzimeve operative dhe te mirembajtjes qe lidhen me shpenzimet administrative dhe rritjen e asaj pjese qe lidhen me sherbimet, kryesisht per mirembajtjen e shpenzimeve kapitale.
Subvencionet
Politika per reduktimin e shpenzimeve per subvencione eshte reflektuar ne raportin e subvencionit kundrejt PBB-se, i cili eshte parashikuar te reduktohet nga 0.43% ne vitin 2006 ne 0.22% ne vitin 2010. Kjo do te shoqerohet edhe me reforma te vazhdueshme ne sektoret prioritare si: uji i pijshem dhe hekurudhat.
Shpenzimet per sigurimet shoqerore e shendetesore
Shpenzimet per sigurimet shoqerore e shendetesore, sic u theksua edhe me siper, do te qendrojne te pandryshueshme gjate periudhes 2008-2010 ne rreth 7% te PBB-se. Shifrat e parashikuara reflektojne politiken e rritjes se te ardhurave nga kontributet shoqerore, duke reduktuar keshtu transferten nga buxheti qendror.
Shpenzimet e pushtetit vendor
Shpenzimet e pushtetit vendor do te arrijne ne nivelin 2.98% te PBB-se ne vitin 2010 krahasuar me 2.52% ne vitin 2006, si rrjedhoje e rritjes se vazhdueshme te te ardhurave te veta si rezultat i procesit te decentralizimit dhe rritjes se kapaciteteve administrative.
Transfertat per mbrojtjen sociale
Transfertat per mbrojtjen sociale perfshijne: Pagesat per asistencen sociale duke perfshire ndihmen ekonomike dhe pagesat per personat me aftesi te kufizuar; dhe pagesat per sherbimin kombetar te punesimit. Politika e qeverise synon uljen progresive te subvencioneve per pagesat e programeve te sigurimeve shoqerore dhe rialokimin e kursimeve ne programet e mbrojtjes sociale. Transfertat per mbrojtjen sociale ne total jane parashikuar te arrijne 1.52% te PBB-se ne vitin 2010 ne krahasim me 1.44% te PBB ne vitin 2006.