Shpërblehen gardistët/ Prendi: Vlerësim për punën gjatë fushatës

Punonjësit e Gardës së Republikës kanë marrë shpërblim për sigurinë e personaliteteve gjatë fushatës elektorale. Ky lajm i mirë për gardistët konfirmohet nga komandati i gardës gjeneral Ndrea Prendi, sipas të cilit pas përfundimit të fushatës elektorale për të gjithë punonjësit që kanë qenë në ruajtje të personaliteteve në takimet e tyre elektorale është vendosur që të shpërblehen.
Por, komandanti i gardës tregon edhe se gjatë kësaj fushate elektorale e cila zgjati një muaj nuk është shënuar asnjë incident, veç problemeve të vogla që e ai cilëson si takimet që kanë bërë personalitetet e politikës me elektoratin.
Garda e Republikës ka realizuar siguri të plotë për personalitetet e larta të shtetit si gjatë gjithë fushatës elektorale. Për këtë ka bashkëvepruar ngushtë me policinë e shtetit dhe SHISH-in.