Shperthejne tre depozita solari, pragtragjedie ne fabriken e tullave

Fier- Tre cisterna solari te nje fabrike tullash ne afersi te qytetit te Fierit, jane perfshire nga nje zjarr, shkaqet e te cilit mbeten mister. Ngjarja ka ndodhur rreth ores 18:45 te mbremjes se djeshme, prane rruges kombetare Lushnje-Fier, afer ures se Mbrostarit, duke rrezikuar jetet e rreth 50 punetoreve. Burime zyrtare thane se jane njoftuar nga punonjesit e fabrikes per vatren e zjarrit, qe fillimisht ka rene ne nje prej depove te solarit, lende djegese qe sherben per pjekjen e tullave. Ne pamundesi per te shuar flaket, punonjesit kerkuan ndihmen e repartit Zjarrfikes. Brenda pak minutash zjarri eshte perhapur edhe ne dy cisterna te tjera. Per fat te mire mesohet se nuk ka deme ne njerez, por vetem ne materiale. Ne vendngjarje kane shkuar zjarrfikese nga qytetet e Fierit, Lushnjes dhe Patosit. Burime zyrtare thane se deri ne oret e vona te mbremjes flaket kane vazhduar te djegin sasine e solarit ne depo, ndersa eshte mbajtur nje distance per te mos rrezikuar jetet e njerezve. Pas shperthimit te pare te njeres prej cisternave, lenda djegese eshte perhapur gjithandej, duke i vene flaken edhe dy depove te tjera prane fabrikes. Zjarri mesohet se ka rrezikuar disa objekte qe ndodhen prane dhe ndertesen e fabrikes. Nje grup hetimor i policise se Fierit, ka ndjekur situaten nga afer dhe mori mbreme ne pyetje punetoret. Per shkak te situates dhe zjarrit qe ende vazhdonte, hetimet jane shtyre per diten e sotme.

Xhemil Beharaj

Pistat

Dyshohet se shkak mund te jete bere nje pakujdesi, por hetohet edhe zjarrevenia e qellimshme. Asnje prej punetoreve nuk ka ditur te shpjegoje ngjarjen, ndersa eshte degjuar edhe nje shperthim. Demi ekonomik llogaritet te jete rreth 10 milione leke, sipas verifikimeve paraprake.