Shpërthen Bruceloza në Vlorë, izolohen të prekurit

Vetëm ditët e fundit në rrethin e Vlorës janë konstatuar 11 raste me blucerozë dhe burimet nga drejtoria rajonale e ushqimit dhe bujqësisë bëjnë me dije se frika për një shpërthim më të madh të rasteve është e madhe, ndonëse për rastet e konstatuara janë marrë masa të rrepta. Në fillim janë kapur tre familjarë me blucerozë në fshatin Trevëllazër

dhe menjëherë janë marrë masa që kafshët e familjes në fjalë më theren menjëherë dhe të groposen nën mbikëqyrjen e një mjeku veteriner. Më pas janë vërejtur 8 raste të tjera me blucerozë por kësaj radhe në rrethinat e qytetit të Orikumit, në fshatin Dukat. Edhe këtu është vepruar njëlloj, janë bërë therja dhe më pas groposja e bagëtive të këtyre familjarëve. Sipas burimeve nga drejtoria rajonale e bujqësisë dhe ushqimit, për të gjitha këto therje janë mbajtur procesverbale të rregullta në mënyrë që të bëhet kompensimi I plotë I dëmeve të shkaktuara. Po ashtu menjëherë janë bërë edhe vaksinimet përkatëse në bagëtitë e gjitonëve të këtyre familjeve ku janë vërejtur këto raste. Në gjithë rrethin janë për tu vaksinuar 24 mijë qengja e keca dhe 21 mijë dhënë e dhi, të cilat do të kryhen në kohën më të shpejtë të mundshme.

V.  SAKO

Last Updated on E Shtune, 03 Prill 2010 19:14