Shperthen bombola e gazit, plagoset 40-vjecarja

Kucove- Rrjedhja e gazit nga bombola dyshohet te jete bere shkak i shperthimit te pajisjes elektro-shtepiake per gatim, duke plagosur rende nje 40 vjecare. Sherife Dollani ka pesuar djegie te renda ne pjese te ndryshme te trupit dhe gjendet ne rrezik per jeten. Ngjarja ka ndodhur pasditen e djeshme ne fshatin Gege te Kucoves, kur gruaja ka qene duke gatuar ne kuzhine. Familjaret degjuan nje shperthim te fuqishem dhe me pas pane flaket e shumta ne banese. Gruaja eshte gjetur e djegur dhe menjehere u dergua per ndihme mjekesore prane spitalit te Beratit. Burime te repartit te Kirurgjise bene me dije se nena e kater femijeve mberriti rreth ores 16:00 me plage te renda dhe jane detyruar ta dergojne per mjekim te specializuar per ne Tirane. Nje grup hetimor ka nisur verifikimet per ngjarjen dhe dyshohet se rrjedhja nga bombola e gazit ka qene shkak per plagosjen.

E.H.