Shperthimi i bomboles rrezikon familjen, plagosen kater zjarrfikes dhe nje femije

Durres- Kater efektive te Repartit te Zjarrfikeses Durres dhe nje femije, perfunduan ne spital me plage djegieje te shkaktuara nga zjarri qe ra mbreme ne familjen Tonuzi. Ne perpjekje per te nxjerre kater anetaret e familjes, ciftin e bashkeshorteve dhe dy femijet, punonjesit jane gjendur pa rezervave te oksigjenit dhe jane asfiksuar ne katin e shtate te pallatit ne afersi te qendres se qytetit. Nderhyrja e kolegeve beri te mundur shmangien e tragjedise dhe dergimin ne spital. Burime zyrtare te policise thane se ngjarja ka ndodhur rreth ores 19:00 te mbremjes, kurse efektivet e lenduar jane M. Coba, T. Ndoj, Z. Dervishi dhe A. Kertusha. Mjeket thane se te demtuarit gjenden ne repartin e Patologjise ne spital dhe se bashku me femijen A. Tonuzi, jane jashte rrezikut per jeten. Nga hetimi i kryer dhe marrja e deshmise se bashkeshorteve, mesohet se gruaja ka qene duke gatuar kur ka shperthyer bombola e gazit dhe shtepia e gjendur ne katin e shtate te pallatit eshte perfshire nga flaket. Ne pamundesi per te dale, ata kane kerkuar ndihmen e zjarrfikesve dhe vetem shkallet e sigurise u kane shpetuar jeten. Ne ndihme te tyre kane ngjitur shkallet e automjetit koleget, kurse flaket jane shuar nje ore me pas, duke shmangur edhe perhapjen ne apartamentet e tjera.

E.A.