Shqetesime per bojkotin e opozites
Perfaqesuesit nderkombetare ne Maqedoni jane shprehur te shqetesuar lidhur me braktisjen e Parlamentit te dy partive maqedonase ne opozite LSDM-se dhe Lidhjes se Re Social-Demokrate nderkohe qe e kane apostrofuar si problematik mosfunksionimin e dialogut politik ne Maqedoni.
Ambasadori amerikan ne Shkup Filip Riker eshte shprehur se perpos gjyqesise dhe mediumeve te cilat po ballafaqohen me shume probleme me boshatisjen e uleseve ne Parlament te deputeteve te LSDM-se rrezikohet edhe funksionimi normal i Kuvendit te Maqedonise.
Lirisht mund te shprehem se mediumet e pavarura dhe gjyqesia te cilat jane dy komponentet kryesore te demokracise po ballafaqohen me shume probleme. Kuptova se edhe Parlamenti si organ ligjvenes po ballafaqohet me probleme. Institucionet dhe demokracia ne Maqedoni duhet te merren seriozisht me kete ceshtje per ta rregulluar ate eshte shprehur ambasadori amerikan Riker pas takimit me kryeministrin e Maqedonise Nikolla Gruevski.
Nderkohe delegacioni i Bashkimit Evropian ne Shkup denon cdo lloj bojkoti te Parlamentit. Vendi i deputeteve eshte ne Parlament dhe vetem aty mund te sigurojne parakushtin kryesor per euro-integrim te vendit dhe ai eshte dialogu politik thuhet ne reagimin me shkrim te zyres se BE-se ne Shkup.
Ndryshe lideri i Lidhjes Social-Demokrate te Maqedonise Branko Cervenkovski qe drejton partine me te madhe maqedonase ne opozite duke sqaruar vendimin per te braktisur punen e Parlamentit ka theksuar se ky hap merret per shkak te mungeses se kapacitetit demokratik ne vend.
Cervenkovski ka thene se partia e tij nuk e ka ndermend qe ti jape legjitimitet ketij pushteti jodemokratik duke theksuar me kete rast dhe bllokimin e xhirollogarise se Televizionit A1 qe eshte me i shikuari ne vend dhe llogaritet si nje nga me kritiket ndaj qeverise. Por partia e kryeministrit Nikolla Gruevski VMRO-DPMNE e ka denuar veprimin e opozites per te bojkotuar duke theksuar se opozita eshte vene ne mbrojtje te krimit. Nderkohe partia shqiptare ne opozite Demokracia e Re kapercimin e krizes politike e sheh ne mbajtjen e zgjedhjeve te parakohshme.
Nje kohe te gjate ne vendin tone nuk ka dialog politik dhe demokraci parlamentare. Te vetmit fajtore per kete situate jane BDI-ja dhe VMRO-DPMNE-ja. Prandaj neser Keshilli Qendror i partise me propozim te kryetarit te partise do te vendose nese Demokracia e Re edhe me tutje do te jete pjese e dialogut mes te shurdherve ose veprimin e saj politik do ta realizoje atje ku jane problemet reale politike ekonomike apo sociale ne mesin e popullit dhe me popullin ka deklaruar zedhenesi i Demokracise se Re Arjanit Hoxha.
Por partia shqiptare pjese e koalicionit qeveritar BDI ka vleresuar se vendi i deputeteve eshte ne Parlament aty ku duhet bere dhe beteja politike. Rafiz Haliti zyrtar i larte i partise ka thene se vendimin per veprimin e metejme per te mbetur ose dale nga Parlamenti partia e tij do ta ndermarre ne mbledhjen e Kryesise Qendrore.
Mendoj se interesi i cdo deputeti i cdo subjekti politik eshte qe kontributin e vet ta jape ne Parlament. Vota e cdo qytetari eshte dhene per subjektet politike qe ata pastaj te veprojne brenda Kuvendit dhe aty te artikulojne interesat e tyre eshte shprehur Haliti.
Ndryshe sot kryetari i Kuvendit Trajko Veljanoski permes nje deklarate me shkrim ka theksuar se te gjitha ceshtjet e hapura duhet te zgjidhen me dialog politik dhe se bojkoti i punes se Kuvendit nuk eshte menyra e duhur qe te behet kjo pasi kjo eshte ne kundershtim me interesat kombetare te shtetit.
Veljanovski pavaresisht bojkotit per te henen i ka ftuar te gjithe koordinatoret e grupeve parlamentare per ti tejkaluar dallimet.