Shqipëria dhe Maqedonia nënshkruajnë Marrëveshjen për Lëvizjen e Ndërsjellë të Shtetasve
Në kuadër të vizitës së Kryeministrit të Maqedonisë Nikola Gruevski dhe delegacionit që e shoqëron, u nënshkrua sot Marrëveshja për Lëvizjen e Ndërsjellë të Shtetasve midis Shqipërisë dhe Maqedonisë. Marrëveshja u nënshkrua nga ministrat e Punëve të Jashtme të Shqipërisë dhe Maqedonisë, Lulzim Basha dhe Antonio Milososki, në prani të Kryeministrave Berisha dhe Gruevski. Dy kryeministrat e vlerësuan Marrëveshjen të rëndësishme për lëvizjen e qytetarëve midis të dy vendeve.