Shqipëria mbyll presidencën e KiE-s, ia dorëzon Andorës

Presidenca shqiptare e Këshillit të Europës organizon në Tiranë konferencën e nivelit të lartë, “Diversiteti në Evropë, një forcë për të ardhmen”.
Ky aktivitet do të jetë përmbyllës për presidencën shqiptare të KiE-s, e cila më pas do i dorëzohet Andorës. Në këtë aktivitet marrin pjesë përfaqësues të lartë të KiE-së, të 47 vendeve anëtare të KiE-së, vendeve vëzhguese, vendeve fqinje të Mesdheut, përfaqësues të trupit diplomatik të akredituar në Tiranë, si dhe autoritete të tjera te larta. Të ftuar special të saj do të jenë Jorge Sampaio, Përfaqësues i lartë i OKB për Aleancën e Qytetërimeve dhe ish-President i Portugalisë, Emma Bonino, zv.Presidente e Senatit Italian, Sonja Licht, anëtare e Grupit të Personave të Shquar, hartues të raportit "Të jetojmë së bashku”, etj.