Shqipëria, ndër vendet e para që po kontribuon në mbarëvajtjen e paqes për popullin afgan

Zëvendëskryeministri Ilir Meta në konferencën e Londrës për Afganistanin, takime me ministrat e NATO-sNë Konferencën e Londrës për Afganistanin, ku komuniteti ndërkombëtar ishte mbledhur për të bashkërenduar burimet ushtarake dhe civile në shërbim të një strategjie politike për mbrojtjen dhe sigurinë në Afganistan, delegacioni shqiptar u kryesua nga Zëvendëskryeministri dhe ministri i Punëve të Jashtme, Ilir Meta.Në Konferencë morën pjesë Ministrat e Punëve të Jashtme nga vendet e Forcës Ndërkombëtare për Siguri dhe Ndihmë, vendet fqinje të Afganistanit dhe nga vende me peshë rajonale. Gjithashtu, morën pjesë edhe përfaqësues nga NATO, OKB, BE dhe organizata të tjera ndërkombëtare si Banka Botërore.Ilir Meta vlerësoi se kjo Konferencë e rëndësishme, do t’i japë një impuls të ri angazhimit të koalicionit ndërkombëtar në Afganistan dhe se Shqipëria, si një prej 7 vendeve të para kontribuuese, do të vazhdojë të ndihmojë përkrah aleatëve të saj për mbarëvajtjen e paqes dhe për një të ardhme më të sigurt për popullin afgan.Përfaqësuesit e 70 vendeve dhe organizatave ndërkombëtare të pranishëm në Londër ranë dakord se një Afganistan me stabilitet dhe siguri është shumë i rëndësishëm për sigurinë e të gjithëve dhe se Afganistani nuk duhet lënë më në duart e regjimit brutal të Talibanit.Në këtë kuadër, të gjitha marrëveshjet midis komunitetit ndërkombëtar dhe Qeverisë së Afganistanit të nënshkruara në Londër, do t’i shërbejnë rritjes së kapaciteteve vendase për të siguruar sovranitetin e të gjithë territorit dhe sigurinë e prosperitetin ekonomik për të gjitha popullin afgan, njëkohësisht duke luajtur një rol konstruktiv në rajon.Gjatë punimeve të Konferencës, Meta u takua edhe me shumë homologë të vendeve të tjera si me Ministrin britanik për Evropën, Chris Bryant, Sekretarin e Jashtëm britanik, David Miliband, Ministrin Plotësues të Jashtëm grek, Dimitris Droucas. Homologët, e vlerësuan rolin që Shqipëria ka luajtur deri tani në Afganistan dhe Ilir Meta i siguroi ata se Shqipëria do të vazhdojë të qëndrojë pranë aleatëve ndërkombëtarë, për t’ia arritur qëllimit të përbashkët në Afganistan....