Shqipëria, në vitin 2009, ka pasur rritje

Mes problemeve të shumta Shqipëria ka një anë pozitive të profilit të saj qeverisës dhe politik. Vlerësimet e bëra dje në Senatin e SHBA i kanë mëshuar sërish me tone pozitive transformimet e Shqipërisë gjatë 20 vjetëve të fundit, i cili përmes reformave të kryera ka mundësuar “që Shqipëria të meritonte anëtarësimin në NATO më 1 prill 2009”. Kandidati për ambasador Arvisu ka njohur si shumë pozitiv kontributin e vendit tonë në sigurinë globale dhe një aleate e besueshme e Shteteve të Bashkuara. Si dëshmi e kësaj është sjellë dislokimi kohët e fundit i 44 trupave luftarake për të luftuar krah për krah me forcat amerikane në Kandahar të Afganistanit që është dislokimi i parë i trupave luftarake nga Shqipëria që nga Lufta e Dytë Botërore, duke e çuar në rreth 300 numrin e përgjithshëm të ushtarëve shqiptarë pjesëmarrës në forcën ndërkombëtare në Afganistan. Me vlerë të veçantë për SHBA është edhe risistemimi i personave të ndaluar në Guantanamo, pa harruar këtu rolin specifik në Integrimin e Ballkanit Perëndimor. Por ajo që ka më shumë rëndësi është konfirmimi i bërë për rritjen ekonomike e cila parashikohet edhe për këtë vit, një qëndrim ky që pohon deklarimet e vëna në dyshim të Kryeministrit Sali Berisha.