Shqiptari trafik me ndihmen e zyrtareve maqedonas dhe policeve greke
Personi i arrestuar nga policia greke tri dite me pare ne Tragana rezulton te jete nje shqiptar i dyshuar si organizator i trafikut te lendeve narkotike dhe klandestineve nga Shqiperia drejt Greqise nepermjet Maqedonise. Mediat greke duke iu referuar burimeve policore raportojne se A.C 40 vjec rezulton ne kerkim nderkombetar per veprat penale te sipercituara. Madje po sipas tyre policia fillimisht mendoi se kishte vene ne pranga nje trafikant te rendomte por me pas nga verifikimi i te dhenave ai rezultoi te ishte nje organizator i veprimtarise kriminale se trafikut. Kane qene sherbimet sekrete ato qe pas saktesimit te te dhenave kane dhene alarmin dhe paraqitur me buje se ne pranga ndodhej tashme nje koran i krimit dhe se per kapjen e tij ishte vene ne levizje strukturat e policive te vendeve europiane.
Arrestimi i te riut shqiptar u be pas disa informacioneve se nje makine tip Jeep do te kalonte mbremjen e se shtunes ne Tragana dhe policia ngriti atje nje postbllok ndaj te cilit trafikanti nuk ngurroi te hapte edhe zjarr me kallashnikov por per fat te mire duke mos lenduar asnje prej uniformave blu. Sipas deklarimeve policore te shtetit fqinj A.C ne bashkepunim me persona te tjere kishin ngritur nje organizate kriminale dhe trafikonin lende narkotike dhe njerez nepermjet Maqedonise ku kishin korruptuar edhe disa zyrtare nepermjet falsifikimit te pasaportave dhe dokumenteve te tjera. Shqiptari dyshohet te jete kreu i grupit qe e kishte bazen e aktivitetit te tij kriminal ne qytetin e Pogradecit ndersa bashkepunonin me persona te tjere nga Korca Elbasani Kukesi Fieri etj. Sipas policise greke zyra e falsifikimit te dokumenteve ishte ne Pogradec nga ku fillonte edhe trafikimi i qenieve njerezore e me pas kalonin ne Maqedoni ne Greqi dhe prej aty ne vendet e tjera te Europes.
Ne Maqedoni transporti kryej me taksi deri ne kufirin greko-maqedonas dhe me pas nje udherrefyes i cili paguhej me 100 euro per person merrte persiper kalimin per ne Greqi. Policia greke ka arritur te gjeje edhe pagesat qe paguheshin nga personat e interesuar per kalimin e parregullt qe varionin nga 1.500 deri ne 3.400 euro. Hetimet e policise arriten deri ne burgjet greke pasi trafikanti i telefononte shpesh nje mikut te burgosur. Sipas mediave greke A.C qe gjendet tashme ne duart e policise muajt e fundit kishte kontakte te shpeshta telefonike me bashkekombesin e tij i cili ndodhet ne burgun e sigurise se larte ne Korfuz.
Ne nje telefonate qe i beri mikut te tij ne burg 40-vjecari i foli per transportin e nje pakoje ndersa gjate bisedes telefonike i tha mikut te tij ne burg qe te kete kujdes se cfare flet pasi pergjohen telefonatat. Hetimet e policise vazhduan edhe gjate komunikimeve qe 40-vjecari kishte me te burgosur te tjere me te cilet bisedonte per transportin e lendeve narkotike por bisedat beheshin edhe per ndihmen qe do te jepnin disa police greke.