Shtabi, 1500 euro per dy familjet e viktimave

Gjirokaster- Shtabi i emergjences ne prefekturen e Gjirokastres ka dhene dje ndihmen financiare per familjet qe kane ngelur te pastreha, si shkak i shembjes se pallatit pesekatesh. "Gjate ketyre diteve ne kemi vendosur ne dispozicion te akomodimit te familjeve te pastreha, konviktin e djemve te universitetit te Gjirokastres", thote prefekti Spiro Ksera. Nderkohe ne sherbim te tyre jane vendosur edhe mjediset e hotelit privat "Majko", i cili ndodhet ne lagjen ku u shemb pallati. Nderkohe pjesa me e madhe e familjeve te pastreha nuk kane preferuar akomodimin ne hotel apo ne konviktin e studenteve. Ata i jane drejtuar per ndihme familjareve dhe te afermve te tyre ne Gjirokaster. Sipas Kseres, me kontributin e biznesit per secilen familje eshte shperndare nje fond prej 50 mije lekesh, nderkohe qe diten e hene, per familjen Dalani, e cila pati dy viktima, jane dhene 1 mije euro, ndersa per familjen e viktimes tjeter 500 euro. Ne kete donacion eshte pasur parasysh fakti qe ai te perdoret edhe per ceremonine e viktimave te ngjarjes. Nderkohe Prefekti i Qarkut, thote se ka kerkuar mbledhjen urgjente te Keshillit Bashkiak per akordimin te fondit te emergjencave per secilen familje. Behet fjale per nje mbeshtetje financiare prej 20 mije lekesh per fryme. Sipas kryetarit te bashkise, Flamur Bime, krahas fondeve financiare qe mund te akordohen nga qeveria, edhe bashkia do te jape mbeshtetjen e saj per daljen nga situata e emergjences.

B.K.