Shteti, ne "dore" te Genc Pollos

TIRANE - Genc Pollo ka marre ne dore dje "fatin" e vendit, pasi tre drejtuesit me te larte te shtetit gjenden jashte vendit, te zene me vizitat respektive sipas nje axhende te mirepercaktuar me pare. Presidenti i Republikes, Bamir Topi, kryetarja e Parlamentit, Jozefina Topalli dhe kryeministri Sali Berisha kane fluturuar jashte Shqiperise, duke e lene vendin ne nje vakum institucional dhe pa drejtim. Nje rast i perseritur ky, ku tre drejtuesit me te larte te shtetit kane gjetur luksin per te udhetuar jashte vendit, nderkohe qe vendi qe ata drejtojne ka jo pak probleme, qe nga kriza e perplasjes mes institucioneve, ku evidente eshte perplasja mes Prokurorise dhe ekzekutivit, perplasje qe me sa duket ka sjelle dhe nevojen e nje relaksi jashte vendit te aktoreve te medhenj te politikes shqiptare. Kreu i shtetit Bamir Topi eshte nisur ketu e tre dite me pare per nje vizite 3 ditore ne Itali, me ftese te homologut italian, Napolitano, ku ka zhvilluar takime te rendesishme qe nga kreu i shtetit, udheheqesi i opozites se majte ne Itali e deri te kryebashkiaku i Romes, pa perjashtuar "nguljen" e bustit te heroit tone kombetar Gjergj Kastriot Skenderbeu ne vendqendrimin e arberesheve, ne Kalabri. Kjo vizite zyrtare e kryetarit te Shtetit jashte vendit, vjen ne momentin kur Shqiperia po vijon ne rrugen e reformave te saj per integrim dhe eshte ne pritje te firmosjes se Protokollit te anetaresimit ne NATO, me shpresen e anetaresimit ne Organizaten e Atlantikut te Veriut ne prill te vitit te ardhshem. Nderkohe qe kryetarja e Parlamentit ka fluturuar qe para kater ditesh ne vendet arabike, pikerisht ne te shenjten Jordani, per te ndjekur linjen e perandorise se hershme arabe te viteve 800, Spanjen e pushtuar asokohe nga mauret (marokenet), ku pas takimeve te suksesshme me kreret me te larte te ketij vendi, ka marre dhe mbeshtetjen per integrimin ne NATO, ku paraprakisht eshte miratuar nga komisioni i jashtem i kongresit spanjoll Protokolli i anetaresimit te Shqiperise ne NATO. Pritet te kthehet ne atdhe oret e vona te mbremjes. Nga ana tjeter, kreu i qeverise, Sali Berisha eshte nisur ne nje vizite njeditore ne Bruksel ku ka marre pjese ne nje takim te Partive Popullore Evropiane, per t'u kthyer dhe ai ne oret e vona te mbremjes. Por Ceremoniali zyrtar i Republikes se Shqiperise e ndalon levizjen e njekohshme te tre drejtuesve te larte te shtetit jashte vendit. Keshtu sipas pikes 1.11. "Protokolli i Shtetit vihet ne dijeni paraprakisht per cdo levizje te tre personaliteteve kryesore jashte shtetit. Vizitat koordinohen ne menyre qe te mos jene te tre njekohesisht jashte vendit ne te njejten kohe", gje te cilen, Topi, Topalli dhe Berisha as qe kane marre mundimin ta respektojne. Por nga ana tjeter, pika 1.12. e Ceremonialit thote se Presidenti i Republikes, Kryeministri dhe Kryetari i Kuvendit kryejne vizita te nivelit te larte jashte shtetit, nderkohe qe Protokolli i Shtetit merret me procedurat zyrtare te organizimit te ketyre vizitave, nga pergatitja deri ne perfundimin e tyre. Ne funksion te ketij programi bashkepunohet me kabinetet perkatese. Qe ne pamje te pare duket qe jo vetem nuk jane koordinuar me njeri-tjetrin, sipas Protokollit, por kane nxituar te largohen nga vendi pa kthyer koken prapa dhe duke lene Shqiperine pa drejtim. Nderkohe qe shteti ka qene per nje dite ne doren e zv.kryeministrit Genc Pollo. Jakin Marena

Ceremoniali zyrtar i Republikes se Shqiperise

1.11. Protokolli i Shtetit vihet ne dijeni paraprakisht per cdo levizje te tre personaliteteve kryesore jashte shtetit. Vizitat koordinohen ne menyre qe te mos jene te tre njekohesisht jashte vendit ne te njejten kohe.

1.12. Presidenti I Republikes, Kryeministri dhe Kryetari i Kuvendit kryejne vizita te nivelit te larte jashte shtetit. Protokolli i Shtetit merret me procedurat zyrtare te organizimit te ketyre vizitave, nga pergatitja deri ne perfundimin e tyre. Ne funksion te ketij programi bashkepunohet me kabinetet perkatese.

Fushata