Shtohet epërsia e rivalëve të Ahmedinejadit
Rivalët konservatorë të presidentit të Iranit, Mahmoud Ahmedinejad, duket se kanë rritur epërsinë në zgjedhjet parlamentare të Iranit.
Kur janë numëruar 90 për qind të votave, besnikët e liderit suprem, Ajatollah Ali Homnei, pritet që të marrin më shumë se tri të katërtat e 290 ulëseve në parlament.
Zgjedhjet e së premtes janë bojkotuar në masë të madhe nga reformatorët, liderët e të cilëve, Mirhosein Musavi dhe Mehdi Karubi, gjenden nën arrest shtëpiak prej më shumë se një viti.
Rezultati i zgjedhjeve do të ketë ndikim të madh në politikën e jashtme të Iranit, përfshirë edhe kontestin bërthamor me Perëndimin. Rezultatet përfundimtare priten të hënën.