"Si ta kurseni energjine elektrike"
Luljeta Ndoka
Kursimi i energjise elektrike nepermjet termoizolimit, sistemit qendror te ngrohjes e te ftohjes, si dhe mirembajtjes se fasadave, ka qene thelbi i konferences se organizuar dje nga CoPlan. Sipas kreut te ketij komitetit, Dritan Shutina, nese qytetaret do te kujdeseshin per keto elemente, atehere ata do te kursenin nje sasi te konsiderueshme kilovatesh te energjise. Venia e llambave eficente, mirembajtja e perbashket e nderteses, termoizolimi, vertet do te benin qe qytetaret te shpenzonin, por perfitimet do ishin shume me te medha. Sipas specialisteve, eshte e vertete qe termoizolimi kushton, por me ane te tij kursehet mjaft energji dhe nje gje e tille do te zgjidhte edhe problemin e ngrohjes.
Sektori i banesave ka peshen kryesore ne konsumin e energjise elektrike, ne masen 54 per qind ne rang vendi. Pikerisht ky eshte shkaku pse CoPLAN e ka lidhur kursimin e energjise me stokun e banesave dhe mirembajtjen e tyre. Sipas studimit te prezantuar dje nga Shutina, vetem si pasoje e gjendjes se amortizuar te fasadave te stokut ekzistues te ndertesave te para '90-es, ne kryeqytet cdo vit harxhohen 280 Gwh/vit. Ndersa, si rrjedhoje e zevendesimit te llambave te thjeshta me ato eficente, energjia e kursyer eshte mesatarisht 180 Gwh/vit. Ne total, kjo sasi energjie, e cila do te kursehet vetem nese merren keto masa te thjeshta, eshte e barabarte me energjine qe do te prodhonte per nje vit nje termocentral me fuqi 50 MW.
Gjysma e banesave ne rajonin e Tiranes jane te ndertuara para viteve '90. Pikerisht kjo kategori jane edhe me problematiket per sa i perket shpenzimeve energjetike. Banesa te tilla jane pa sisteme ngrohjeje e ftohjeje dhe pa termoizolim, cka ben qe banoret e tyre ta kerkojne shpetimin pikerisht tek energjia elektrike. Nga ana tjeter, mirembajtja e pjeseve te perbashketa, sidomos e stokut te vjeter te banesave, eshte nje shqetesim gjithnje e ne rritje per banoret e rajonit te Tiranes. Megjithate, vetem 24,2 per qind e banoreve qe jetojne ne kete rajon paguajne per mirembajtjen e pjeseve te perbashketa. Kjo mase "investimi" shkon mesatarisht nga 500 deri ne 1000 leke/muaj per familje, kryesisht per pastrim, mirembajtje ashensori, dhe per pompen e ujit. Megjithate, duket se banoret e rajonit te Tiranes nuk shpenzojne per mirembajtjen e tarraces, fasades, lyerjen dhe mirembajtjet e shkalleve, apo per demtimet e jashtezakonshme.