Nepravishta: Qytetaret te paguajne faturat aforfe
Enti Rregullator i Energjise Elektrike mbyll rrethin e debatit te hapur, lidhur me ligjshmerine e faturimit te energjise aforfe. "ERE eshte i vetmi autoritet qe ka te drejten ekskluzive per te vendosur shtyrjen e afatit te faturimit aforfe per energjine elektrike". Kjo ka qene deklarata e djeshme e kryetarit te Entit Rregullator te Energjise, Bujar Nepravishta, pas reagimeve te shumta te ketyre diteve te fundit, lidhur me kete proces. Thirrja e deputetit socialist, Erjon Brace, qe qytetaret te mos paguajne faturat e energjise aforfe, pasi jane te jashteligjshme, nuk eshte mirepritur aspak mire nga drejtuesit e sektorit energjetik. Pas reagimit dy dite me pare te drejtorit te Pergjithshem te KESH-it, Gjergj Bojaxhi, dje ka qene radha e kreut te ERE-s, per te deklaruar se qytetaret duhet t'i paguajne keto fatura. Sipas tij, kjo e drejte ligjore e ERE-s mbeshtetet ne ligjin Nr. 9072, date 22.03.2003, "Per sektorin e energjise elektrike". "Bordi i Komisionereve te ERE-s, pasi mori ne shqyrtim kerkesen e Operatorit te Shperndarjes se Energjise Elektrike, te bere me daten 15 janar 2008, per zgjatjen e kohes se faturimit aforfe per abonentet familjare pa mates, vendosi qe kohezgjatja e faturimit aforfe per abonentet familjare pa mates te jete deri me daten 31.12.2008 dhe sasia e energjise elektrike te mbetet e pandryshuar", deklaroi Nepravishta. Zgjatja e ketij afati, shpreh vijimin ne menyre te panderprere te detyrimit per pagesen e faturimit aforfe te energjise elektrike, ne te gjithe muajt e vitit 2008. "Cdo kundershtim ndaj ketij vendimi, mund te paraqitet vetem ne Gjykaten e Shkalles se Pare ne Tirane", vazhdoi ai. Ai vleresoi se cdo thirrje drejtuar opinionit publik, per te mos e paguar detyrimin e ligjshem, qe eshte rrjedhoje e faturimit aforfe, eshte e kunderligjshme dhe nuk i sherben stabilitetit dhe prosperitetit te vendit. "E vetmja rruge e ligjshme eshte t'i drejtohesh gjykates, sepse vetem ajo e ka autoritetin qe te marre vendim, per vendimet qe merr Bordi i Komisionereve te ERE-s", perfundoi ai, sqarimin per opinionin publik.
Studimi CoPLAN publikon te dhenat mbi menyren se si shpenzohet energjia ne Rajonin e Tiranes