Situata politike, Topi pret sot Edi Ramën

Takimi do të zhvillohet sot rreth orës 11:00 në selinë e presidencës, ku pritet të diskutohet për situatën politike dhe kapërcimin e ngërçit të krijuar pas zgjedhjeve të qershorit.

Duket se kreu i shtetit ka nisur lëvizjen e tij për të arritur një kompromis midis maxhorancës dhe opozitës. Kjo e fundit ka bojkotuar seancat parlamentare që pas zgjedhjes së deputetëve të rinj. Presidenti Topi deklaroi dje se palët duhet të nisin dialogun, por theksoi se presidenti nuk mund të ndërhynte.