Situate e paqarte politike ne Kosove qytetaret ne pritje te zgjidhjes

Situata politike pas zgjedhjeve të 12 dhjetorit mbetet e paqartë në Kosovë. Rezultatet paraprake të zgjedhjeve të 12 dhjetorit kanë treguar se formimi i qeverisë nuk do të jetë i lehtë pasi partitë e kanë të vështirë të arrijnë numrin e mjaftueshëm të deputetëve për të siguruar një qeverisje të qëndrueshme e cila do të jetë në gjendje të përballet me sfida, si dialogu teknik me Serbinë apo problemet ekonomike.

Qytetarët e Kosovës thonë se nuk mund të pritet zgjidhje e shpejtë e situatës politike. Partitë politike ndërkaq kanë nisur sot fushatën për zgjedhjet e nëntë janarit për Deçan, Skenderaj dhe Drenas ku do të ketë përsëritje të votimit në nivel komune dhe në Lipjan dhe Malishevë.

Azhornuar së fundi ( e mërkurë , 05 janar 2011 )