Skandal i ri seksual në Gjermani

Pas publikimit të një skandali seksual nga gazeta “Bild”, mes deputetit 40-vjeçar, Kristian Von Botiker, me një vajzë 16-vjeçare, politikani ka dhënë menjëherë dorëheqje.

Në konferencën për shtyp, ai nuk ka mundur të mbaj dot lotët, megjithëse ka thënë se lidhja e tij ishte “thjesht dashuri”.

Ai vlerësohej nga të gjitha mediet gjermane si një ndër politikanët e rinj me një të ardhme të ndritur.

Pritej që shumë shpejt të zinte një nga vendet kyçe në qeverinë gjermane, e megjithatë u detyrua të largohej.

“U kërkojë ndjesë nga thellësia e zemrës të gjithë atyre personave, që kishin besim tek unë dhe u zhgënjyen”, tha Botiker.

Skandali seksual ishte bërë i njohur në shtresat e politikanëve të partisë së tij, por ai kishte hequr dorë nga takimet me vajzën, pasi i është kërkuar kjo gjë.

Megjithëse çështja pritej të mbahej e fshehur, ajo ka shpërthyer si bombë në të gjitha mediat.

16- vjeçarja K.S, është rrëfyer se ka marr nga Botiker dhjetëra e-mail.

Më pas takimi i parë është bërë në një hotel të Dusseldorfit, nga i cili kanë dal dy ditë më pas.

Vajza gjithashtu ka folur për dashuri, duke deklaruar se Botiker përveçse është politikan, është edhe një njeri me emocione.