Skandali i naftes kontroll pasurive te te arrestuarve
TIRAN- Kur ka kaluar vetem nje jave nga arrestimi i 12 te dyshuarve dhe dy te tjereve te shpallur ne kerkim per skandalin e mbetjes se naftes me emrin Vergine njesia hetimore e Task-Forces ka futur ne site pasurite e tyre dhe te pjesetareve te ngushte te familjes. Lajmi konfirmohet nga burimet zyrtare te institucionit qendror te akuzes sipas te cileve eshte kerkuar verifikimi dhe evidentimi i pasurise per personat e dyshuar ne te gjitha institucionet shteterore e private ne vend.
Gjate hetimeve pese mujore te skandalit me mbetjen e naftes Vergine jane konstatuar elemente te vepres penale te pastrimit te produkteve te vepres penale e njohur ndryshe si akuza e pastrimit te parave. Ky konstatim ka ardhur pasi te dyshuarit perfitonin shuma te medha parash nga shitja dhe perzierja e naftes Vergine me naften e benzinen cilesore si dhe nga perfitimet e rimbursimit te eksportit fiktiv te kesaj mbetjeje duke i investuar ata ne asete te ndryshme biznesi.
Per identifikimin e tyre eshte kerkuar nga te gjitha institucionet ligj zbatuese ne vend qe te identifikojne dhe evidentojne pronat dhe pasurit e tyre si dhe pjesetareve te ngushte te familjes-thane burimet e akuzes.
Sipas tyre eshte kerkuar nga Qendra Kombetare e Regjistrimit te vendose ne dispozicion te prokurorise te gjitha materialet apo te dhenat per aktivitetet e biznesit qe keta te dyshuar kane ne emer te tyre dhe pjesetareve te ngushte te familjes. Gjithashtu eshte kerkuar nga te gjitha zyrat e regjistrimit te pasurive te paluajtshme te evidentojne pronat e tyre si dhe nga bankat e nivelit te dyte ne vend per te identifikuar ne menyre analitike llogarite bankare te kompanive dhe personave te dyshuar e pjesetareve te familjes se tyre.
Pas identifikimit te tyre sipas prokurorise keto prona do i nenshtrohen hetimit dhe me pas sekuestrimit te tyre nese rezultojne te ngritura nga te ardhurat e perfituara nga mashtrimi me mbetjen e naftes Vergine dhe eksporti fiktive i saj duke perfituar rimbursimin e TVSH-se.
Nderkohe nga te dhenat paraprake te hetimit prokuroria ka identifikuar se biznesmeni Hajri Elezaj njeherazi pronari dhe administratori i kompanise Euroil sh.a. qe kishte ekskluzivitetin e eksportit te mbetjes se naftes Vergine rezulton te jete pronar e aksioner ne tre kompani te ndryshme.
Nje prej tyre Euroil sh.a. ka te beje me tregtimin e hidrokarbureve shoqeria White Star Petroleum ku figuron edhe emri i biznesmenit Elezaj ka te bej me tregtimin dhe vendzbulimin e burimeve te naftes etj.
Ndersa biznesmeni Iliaz Fisheku i njohur edhe si Lad Fisheku rezulton se eshte ortak dhe pronar i kompanise Fisheku sh.a. qe ushtron aktivitetin e biznesit ne fushen e hidrokarbureve se bashku me djalin e tij tashme te arrestuar Martin Fisheku me kompanine qe ky i fundit ka ne zoterim Martini sh.p.k.
METE masa ndaj 11 kompanive mungojne Euroil dhe Fisheku
Ministria e Ekonomise Tregtise dhe Energjetikes i ka hequr dje licencat kater kompanive qe tregtonin karburante dhe ka pezulluar licencat e shtate kompanive te tjera. Ky vendim ka ardhur pas inspektimeve me te fundit qe jane bere nga Inspektorati Qendror Teknik dhe pas urdhrit te ministrit Naco per verifikimin e shqetesimeve qe kishin ardhur ne adrese te METE-s per tregtimin e naftes bruto jashte destinacionit ligjor dhe teknik te perdorimit te saj-thuhet ne njoftimin e METE-s.
Per kete ceshtje prokuroria ka nisur nje hetim dhe jane arrestuar administratoret e kompanive Euroil dhe Fisheku. Por ne listen e kompanive ndaj te cilave jane marre masa nga METE mungojne si Euroil ashtu edhe Shaban Fisheku.
Kompanite te cilave iu jane hequr licencat
Shoqeria Erkoci-Ad-El sh.a.
Shoqeria Dhima sh.a
Shoqeria Omegaz Energy sh.a
Shoqeria Edi Kompani sh.a
Kompanite te cilave u jane pezulluar licencat
Shoqeria Tiramol sh.a
Shoqeria Albania Airlines Jet Fuel Supply sh.a
Shoqeria Beusal sh.
Shoqeria Pilinci Enterprise Co
Shoqeria Orient sh.a
Shoqeria Jemishta sh.a
Shoqeria Auto Lubrifikant sh.a