Skandali i ngujimit të fëmijëve, implikohen zyrtarë
03/02/2009 Akuza e mohimit për Kosta Barkën
TIRANE- Skandali i qendrës së ngujimit të fëmijëve në Poliçan implikoi dje pasdite edhe ish-ministrin e Punës, Kosta Barka, si dhe ish-drejtoreshën e Qendrës së Ngujimit në Poliçan Liljana Luani. Sakaq, lajmi për hetimin e ish-ministrit Barka konfirmohet nga burime të Prokurorisë së Përgjithshme, teksa Prokuroria e rrethit të Beratit thotë se s’ka dijeni për një fakt të tillë, por Barka hetohet për një tjetër çështje. Shkak për fillimin e hetimeve ka qenë shpërdorimi i fondeve, që akordoheshin për mirëmbajtjen e godinës së ngujimit dhe trajtim-ushqimin e 25 fëmijëve të ngujuar. Mësohet se shifra e abuzimit kap vlerën prej rreth 300 mijë euro. Ndërkohë që organi i akuzës së Beratit, ka pushuar akuzat për kryetarin e Bashkisë së Poliçanit, Adriatik Zotka, pasi sipas burimeve ai nuk ishte i implikuar në këtë aferë korruptive. Hetimi ka filluar pas një kallëzimi të bërë nga një shoqatë që kujdeset për mbrojtjen e fëmijëve të ngujuar. Menjëherë pas këtij momenti akuza ka mundur të mbledhë prova, dhe më pas dosja i është kaluar Prokurorisë së Përgjithshme.
TIRANE- Skandali i qendrës së ngujimit të fëmijëve në Poliçan implikoi dje pasdite edhe ish-ministrin e Punës, Kosta Barka, si dhe ish-drejtoreshën e Qendrës së Ngujimit në Poliçan Liljana Luani. Sakaq, lajmi për hetimin e ish-ministrit Barka konfirmohet nga burime të Prokurorisë së Përgjithshme, teksa Prokuroria e rrethit të Beratit thotë se s’ka dijeni për një fakt të tillë, por Barka hetohet për një tjetër çështje. Shkak për fillimin e hetimeve ka qenë shpërdorimi i fondeve, që akordoheshin për mirëmbajtjen e godinës së ngujimit dhe trajtim-ushqimin e 25 fëmijëve të ngujuar. Mësohet se shifra e abuzimit kap vlerën prej rreth 300 mijë euro. Ndërkohë që organi i akuzës së Beratit, ka pushuar akuzat për kryetarin e Bashkisë së Poliçanit, Adriatik Zotka, pasi sipas burimeve ai nuk ishte i implikuar në këtë aferë korruptive. Hetimi ka filluar pas një kallëzimi të bërë nga një shoqatë që kujdeset për mbrojtjen e fëmijëve të ngujuar. Menjëherë pas këtij momenti akuza ka mundur të mbledhë prova, dhe më pas dosja i është kaluar Prokurorisë së Përgjithshme.