Sneijder e Cassano, përshtaten mirë

Trajneri i Interit, Andrea Stramaccioni insiston se Wesley Sneijder e Antonio Cassano nuk janë të papërshtatshëm për të luajtur së bashku.

Mesfushori holandez dhe sulmuesi italian kanë afërsisht stil të njëjtë të lojës, e cila e vështirëson inkuadrimin e të dyve në lojë. Sido që të jetë, trajneri i ri italian beson se ata mund të bashkëpunojnë në fushë.

“Nuk ka dyshim se të dy mund të luajnë së bashku. I përket trajnerit t’ua gjejë pozitën ideale në fushë, që të luajnë bashkë. Lojë pas loje do të mund t’i shohim duke bashkëvepruar edhe më mirë”, deklaroi Stramaccioni për mediat italiane.