Somali, forcat e BE-së sulmojnë piratët

Lajmi bëhet i ditur nga “BBC” e cila thotë se ata kanë shkatërruar shumë varka me të cilat piratët kryenin sulme të vazhdueshme mbi anijet tregtare që kalonin aty pranë.

Forcat e BE-së u transportuan me helikopterë në bazën e piratëve afër portit të Haradheeres.

Forcat anti-pirate kanë qenë të gatshme të sulmojnë bazat në tokë të piratëve por frikësoheshin për fatin e ekuipazheve që piratët kanë zënë rob gjatë sulmeve.

Piratët me bazë në Somali kanë rrëmbyer shumë anije që kalonin në Oqeanin Indian dhe kërkojnë shpërblime të majme për lirimin e tyre.

Ata besohet se mbajnë peng 17 anije dhe 300 anëtarë ekuipazhi./Start/F. P/

                                                                                             2012-05-15 11:23