Sondazh, ngjarja më e rëndë e vitit? Pakti me Greqinë

TIRANE- Shqiptarë nga e gjithë bota konsiderojnë si ngjarjen më të rëndë të vitit që po lemë pas “Marrëveshjen e kufijve detarë me Greqinë”. Në sondazhin e fundvitit në BalkanWeb, pakti i ujrave me shtetin fqinj ka regjistruar një shumë të konsiderueshme votash duke kapur shifrën e 21.10% kundrejt 9 ngjarjeve të tjera të propozuara. Skandali i faljes së ujrave të Jonit, zbuluar nga televizioni News24 dhe Gazeta Shqiptare u shndërrua në temën kryesore të ditës në të gjitha mediat që mori përmasat e një përplasjeje politike. Pas investigimeve të njëpasnjëshme të Gazeta Shqiptare dhe News24, u vërtetua me fakte se marrëveshja e firmosur gjatë vizitës së kryeministrit grek Karamanlis në Shqipëri, shkel sovranitetin kombëtar duke i dhuruar hapësira detare vendit fqinj. Në studimin e publikuar të Kolonelit Myslym Pashaj sqarohet se si marrëveshja ndërpret në mënyrë tërësore, të drejtën e Shqipërisë për një pjesë sovrane në ngushtesën e Otrantos, cënimin e detit shtetëror dhe hapësirës së afërt vijimore, si dhe hapësirës së veçantë ekonomike. Pas këtyre publikimeve shpërthyen reagimet e menjëhershme të shqiptarëve nga e gjithë bota , përmes organizimit të peticioneve online kundër ratifikimit të marrëveshjes në Parlament. Pakti u miratua nga komisioni parlamentar i ligjeve me 25 shtator, ndërsa aktualisht cështja po shqyrtohet në Gjykatën Kushtetuese pas ankimimit të bërë nga opozita shqiptare. Përmes sondazhit të BalkanWeb cdo qytetar shqiptar kudo ku jeton i tha “JO” marrëveshjes aq të kundërshtuar nga specialistë dhe ish ushtarakë nën pretendimin se cënohet sovraniteti i vendit, duke e shpallur si ngjarjen më të rëndë të vitit 2009. Ngjarja që u rëndit e dyta si më e rënda e këtij viti u konsiderua “Bojkoti i Kuvendit” me 18.05% të votave, e ndjekur nga “Vrasja e 4 policëve nga Dritan Dajti” me 17.51% të votave. Edhe Zgjedhjet e 28 Qershorit , është një tjetër ngjarje që sipas votuesve duhet të konsiderohet e rëndë, konkretisht 13.44% e tyre mendojnë kështu. Më pas renditet Aleanca e Ilir Metës me Berishën me 11.56% , Mos heqja e vizave për Shqipërinë krah Serbisë e Maqedonisë me 7.95% , Vendosja e Mediut dhe e Bashës ministra me 3.58%, Akuzat personale Berisha-Rama me 3.41% , Lidhja me zinxhirë e disa të sëmurëve mendorë me 2.66%  dhe e fundit Rrahja e gazetarit Mero Baze me 0.67% Rënditja Marrëveshja e Kufijve detarë me Greqinë: 21.17% Bojkoti i Kuvendit nga PS: 18.05% Vrasja e 4 policëve nga Dritan Dajti: 17.51% Zgjedhjet e 28 qershorit: 13.44% Aleanca e Ilir Metës me Berishën: 11.56% Mos heqja e vizave për Shqipërinë krah Serbisë e Maqedonisë: 7.95% Vendosja e Mediut dhe e Bashës ministra: 3.58%Akuzat personale Berisha-Rama: 3.41%Lidhja me zinxhirë e disa të sëmurëve mendorë: 2.66% Rrahja e gazetarit Mero Baze: 0.67% ------------------------------------Numri total i votave: 2404 Kohëzgjatja: 18 ditë (e.n/BalkanWeb)