Sot në mesditë, Kryeministri Berisha zhvilloi një takim me banorë të Vorës. Në përshëndetjen tij, Kryeministri u shpreh: "Së pari, dëshiroj t'ju shpreh respektin më të

Sot në mesditë, Kryeministri Berisha zhvilloi një takim me banorë të Vorës. Në përshëndetjen tij, Kryeministri u shpreh:

"Së pari, dëshiroj t'ju shpreh respektin më të madh, mirënjohjen më të thellë, t'ju jap përshëndetjet më të përzemërta për të gjithë mbështetjen e jashtëzakonshme që ju i keni dhënë dhe i jepni Partisë Demokratike, koalicionit të qendrës së djathtë, duke e shndërruar Vorën në një bastion të vërtetë të demokracisë dhe idealeve të saj.

Unë kam nderin e madh që ndodhem sot para jush, me kryetarin e Bashkisë, zotin Fiqiri Ismaili. me qytetarin tuaj, i cili me vlerat e tij morale, me dashurinë e tij për familjen e vet, për qytetarët e Vorës, për fëmijët dhe të moshuarit e këtij qyteti, me mençurinë e tij, ia doli të shndërronte Vorën. Z.Fiqiri u zgjodh këtu si kandidat i Partisë Demokratike, ai u përzgjodh nga ju si njëri midis jush, si kryetari juaj i nderuar, por që çdo orë, çdo ditë, do të rrijë afër problemeve tuaja.

Kisha përgatitur një fjalë, por do ta lë mënjanë atë, duke u ndalur në fjalët e kryebashkiakut tuaj. Informoj këtu se sa shkolla janë ristrukturuar. Unë ju informoj se Tirana, me 700 mijë banorë, në 6 vite, janë restauruar katër shkolla, dy prej të cilave u kanë rënë tavanet. Shkollat e Tiranës i kanë klasat me mbi 50 nxënës, kurse këtu në Vorë klasat janë dhe me 30 nxënës. Janë model, si shkollat e mesme dhe të gjitha shkollat e tjera.

Të investosh, të ngresh arsimin në zë kryesor investimesh, do të thotë që në dashurinë tënde ke fëmijën të parin, fëmijët i do më shumë dhe dëshiron që ata të shkollohen në shkolla moderne. Shkoni dhe shihni buxhetin e Tiranës për arsimin, i cili është ulur dy herë, nga 6 vite më parë dhe deri sot.. Unë zotohem solemnisht para këtyre qytetarëve të nderuar se buxheti, grandi, fondi i qeverisë për bashkinë tuaj, do të financojë terrene sportive, do të financojë nyjën moderne të trafikut, në mënyrë që Vora të ngrihet në dinjitetin e saj më të lartë, si hyrje e shkëlqyer, si portë e shkëlqyer e Tiranës.

Do të financojmë ujësjellësat rajonalë, asfaltimin e të gjitha rrugicave të Vorës dhe të rrugëve të kësaj bashkie. Sepse këtu, çdo qindarkë që jepet u kthehet qytetarëve në shkolla, në rrugë, në ujë të pijshëm, ndihmohen pensionistët. Pra këtu punohet me duar të pastra dhe kjo i bën nder Vorës, i bën nder qeeverisë, u bën nder të gjithëve.

Ndaj ju ftoj që, në 18 shkurt, ju të jeni lajmëtarët e fitores së madhe, i fitores së koalicionit më të gjerë në historinë e vendit, i vazhdimit së bashku të rrugës në luftën kundër krimit të organizuar, luftën kundër korrupsionit, përpjekjve për të lehtësuar dhe ndihmuar klimën e biznesit, për të rritur rrogat, për të rritur pensionet, për të modernizuar shkollat, për të modernizuar sistemin e furnizimit me ujë të pijshëm, me energji elektrike, për të ngritur një infrastrukturë rrugore moderne, për të ecur të sigurt drejt integrimit në Bashkimin Europian dhe NATO. Fitore"