Sot votimi i Rregullores

Kuvendi do të shqyrtojë sot ndryshimet e Rregullores, në të cilën do të vendoset ndryshimi i procedurave për mënyrën e shqyrtimit të kandidaturave, që do të votohen për anëtarë të institucioneve kushtetuese. 

Byroja juridike do të realizojë ndërkohë, sot hartimin ligjor të nenit 111 të Rregullores, ku do të përfshihet edhe hetimi i kandidaturave, që do të paraqiten me anë të dekreteve. Opozita është kundër kryerjes së hetimit të emrave që paraqiten në seancë nga ana e kreut të shtetit. Socialistët janë pro idesë së zhvillimit të seancave dëgjimore me kandidatët për anëtare Gjykate Kushtetuese apo të Lartë. Ndërkohë që parashikohen, që të gjitha anëtarët që emërohen në institucionet kushtetuese që do të votohen nga Kuvendi t’i futen hetimit nga komisioni i Ligjeve.