Spanja, e sigurt
Spanja me lehtësi mposhti Portugalinë në ndeshjen e tyre të dytë të Grupit A në EuroBasket 2011. Pas fitores se vështirë ndaj Polonisë, kampioni në fuqi mundi Portugalinë me rezultat 87:73.
Serish, Spanjën e udhëhoqi nga qendra Pau Gasol, i cili ishte realizuesi më i mirë me 20 pikë. Juan Carlos Navarro shtoi 17, ndërsa Marc Gasol dhe Felipe Reyes kontribuuan me nga 10 pikë. Antonio Tavares u përgjigj me 17 pikë te skuadra humbëse, ndërsa Miguel Miranda shtoi 13.
Edhe Turqia e udhëhequr nga 11 pikët e Enes Kanter arriti fitoren e radhës, duke shkatërruar Britaninë e Madhe me rezultat 90:61.
Në Grupin B, Serbia regjistroi fitoren e saj të dytë duke mposhtur Letoninë me rezultat 92:77, ndërsa Franca ishte tepër e fortë për Izraelin duke e mundur 85:68.
Një duel interesant u zhvillua në Grupin C, ku Bosnja e Hercegovina fitoi përballë Malit të Zi 94:86. Mirza Teletovic udhëhoqi Bosnjën me 23 pikë, ndërsa u ndihmua edhe nga Nihad Dedovic (19) dhe Nemanja Gordic me 14. Te Mali i Zi realizuesi më i mirë ishte Nikola Pekovic me 16 pikë. Ndërsa Greqia mposhti Finlandën me rezultat të thellë 81:61.
Në Grupin D, Bullgaria regjistroi fitoren e parë duke mposhtur Belgjikën me rezultat të ngushtë 68:65 në një ndeshje trileri. Më meritori për fitoren e Bullgarisë ishte Earl Rowland me 22 pikë. Por, lider ka dalë Rusia me fitore ndaj Gjeorgjisë 65:58.
Xhiroja e dytë
Grupi A
Portugalia - Spanja73:87
Britania e M – Turqia61:90
Polonia – Lituania
TabelaNd.Pi.
1. Turqia24
2. Spanja24
3. Lituania12
4. Polonia11
5. Portugalia 21
6. Britania e M21
Grupi B
Letonia – Serbia77:92
Izraeli – Franca68:85
Italia – Gjermania
Tabela
Serbia24
Franca24
Gjermania12
Letonia22
Izraeli22
Italia11
Grupi C
Bosnja e H – Mali i Zi94:86
Finlanda – Greqia61:81
Maqedonia – Kroacia
Tabela
Greqia24
Bosnja e H23
Mali i Zi23
Kroacia12
Finlanda22
Maqedonia11
Grupi D
Bullgaria – Belgjika68:65
Gjeorgjia – Rusia58:65
Ukraina – Sllovenia
Tabela
Rusia24
Bullgaria23
Gjeorgjia23
Sllovenia12
Belgjika22
Ukraina11