Spiunohet autori i masakres ne Vidohove

Fushe-Kruje- Kater ore pas publikimit te shperblimit prej 30 mije eurosh ne dispozicion te personit qe do te spiunonte strehimin e njeriut me te kerkuar ne Shqiperi, per vrasjen e tre vellezerve ne Vidohove te Devollit per motive xhelozie, operacionet e policise kane pasur nje fund te gezueshem. Teksa lokalizuan vendndodhjen e Besim Karait ne banesen e vellait te tij ne Mamurras, dhjetera uniforma blu jane bere gati per goditjen e radhes. Por rreth ores 15:00 te pasdites se djeshme, 40-vjecari baba i tre femijeve, i eshte drejtuar Komisariatit te Fushe-Krujes, duke u vetedorezuar pas negociatave paraprake pa bere asnje lloj rezistence. Edhe pse e kerkonin ne kufirin shqiptaro-grek, prane fshatit ku ndodhi masakra, blute e gjeten shume kilometra larg, pikerisht ne zonen e vendlindjes, Thumane e Krujes. Pas arrestimit dhe komunikimit te akuzave, mesohet se Karai ka pranuar krimin e trefishte dhe motivet pse shkoi deri ne aktin ekstrem, duke thene se ishin pikerisht tre vellezerit qe edhe pas asaj qe i beri Taulanti familjes se tij, vazhdonin te mos pendoheshin per kete akt. Po dje pasdite, Karai eshte nisur nen masa te larta sigurie drejt Korces, ku do te izolohet dhe gjykohet. Emigranti qe jetonte prej muajsh tek shtepia e vjehrrit te tij ne Vidohove, akuzohet per ekzekutimin me automatik te Taulant, Xhilian dhe Etlevan Mullirit, 23, 25 dhe 17 vjec, qe jane djemte e Liljana Mullirit, gruas se denuar 25 vjet burg nga gjykata, per vrasjen dhe hedhjen ne pus te femijes 7-vjecar, Alberto Xhihani, ne vitin 2003.
Policia e Shtetit nuk sqaroi mbreme, nese vendosja ne dispozicion e shperblimit prej 30 mije eurosh ka ndikuar ne arrestimin e Besim Karait, i cili prej te premtes se kaluar nuk i gjendej asnje gjurme vendndodhjeje. Pikerisht mengjesin e djeshem, zedhenesja e Policise se Korces njoftoi shperblimin per informacionin e sakte te fshehjes se 40- vjecarit. Dhe ka qene mesdita e djeshme, kur te dhenat e para spiunonin fshehjen e babait te tre femijeve ne shtepine e vellait ne Mamurras. Pas kontakteve te marra me familjaret, u bind edhe i dyshuari, qe te vetedorezohej ne Komisariatin e Fushe-Krujes. Kreu i Hetimit dhe Krimit te Organizuar, Agron Kulici, konfirmoi se nderhyrja e policise nuk ishte e nevojshme pas negociatave dhe se Karai nuk beri rezistence.
Policia dyshonte se pas masakres me arme dhe terrorizimit te fshatit Vidohove, Besim Karai kishte kapercyer kufirin per ne Greqi. Po kjo ka sherbyer sa per te humbur gjurmet. Ne rruge tokesore 40-vjecari ka kaluar ne kembe disa zona malore, duke zbritur ne Mamurras, nepermjet malesise se Tiranes per tre dite me radhe. Ky ka qene shkaku qe gjetja e gjurmeve te 40-vjecarit ka qene e veshtire edhe pas operacioneve dhe kontrolleve ne Greqi nga policia helene.
Banoret e Vidohoves, pas ceremonise mortore te vellait te trete, Etlevan Mullirit, pasditen e se dieles zhvilluan nje proteste ne fshat, duke bllokuar rrugen qe i lidh me qytetin e Bilishtit. Shkak eshte bere neglizhenca e policise vendore, qe e vene ne dijeni per konfliktin e lindur mes dy familjeve ne fshat, nuk parandaloi krimin. Denoncimin e beri babai i viktimave, Xhevahir Mulliri, i cili deshmoi se policet ishin tallur me te dhe familjen e tij perball ketij fakti. Sipas tij, Besim Karai i kishte kerkuar 800 mije leke per te mbyllur konfliktin, pasi kishte kapur ne flagrance djalin e tij te mesem, Taulantin, me bashkeshorten, ne nje lidhje jashtemartesore. Me tej cifti kishte nisur procedurat e divorcit, por ishin pajtuar. Diten e ngjarjes Besimi i kishte thene gruas: “Amanet femijet, se une do te vras Taulantin, pasi me shkaterroi familjen”. Me tej ne nje konflikt te radhes me tre vellezerit, ai ka qelluar me bresheri duke i vrare te tre per motive xhelozie. Madje sipas pretendimeve te 40-vjecarit, nga lidhja intime bashkeshortja e tij kishte mbetur shtatzene dhe ishte detyruar te bente abortin e femijes.
Vrasja e trefishte dhe konflikti mes familjeve
Vrasja e trefishte ne Vidohove te Devollit, ndodhi rreth ores 12:30 te pasdites se premte. Bresherite e automatikut lane te vdekur ne vend Taulant dhe Xhilian Mulliri, 23 dhe 25 vjec, ndersa mbeti i plagosur rende Etlevan Mulliri, 17 vjec. Tre vellezerit ishin konfliktuar me Besim Karain, nga Thumana e Krujes dhender ne fshatin Vidohove, pasi 40-vjecari kishte kapur ne flagrance Taulantin me bashkeshorten e tij, nene e tre femijeve. Pas debateve, sherri ishte mbyllur, por me tej ishte rihapur pasi Besim Karai pretendonte se gruaja kishte mbetur shtatzene nga kjo lidhje. Mesditen e se premtes ka marre ne dore nje “Kallashnikov” dhe ka ekzekutuar vellezerit ne qender te fshatit. Etlevan Mulliri vdiq nje dite me pas ne spital. Nga hetimet e kryera rezultoi se motiv i masakres ishte pikerisht xhelozia e te dyshuarit.
“SHKB po heton pretendimet e babait per policine”
Kreu i Departamentit te Hetimit ne Policine e Shtetit konfirmon nisjen e hetimeve nga ana e Sherbimit te Kontrollit te Brendshem (SHKB), pas akuzave te babait te tre viktimave ne masakren e Vidohoves, per neglizhencen e policise ne parandalimin e ngjarjes. Pyetjes se nje prej televizioneve lokale lidhur me akuzen e Xhevahir Mullirit, se policia ishte tallur me te kur kerkoi ndihme pas sherrit te pare mes familjeve, Agron Kulici i eshte pergjigjur se, “Sherbimi i Kontrollit te Brendshem dhe Prokuroria do ta hetojne kete rast dhe pretendimin e babait te viktimave”. Duke vleresuar hetimet e kryera dhe operacionin qe zgjati kater dite, kryepolici shtoi se, “Sot (dje), babai i tyre doli dhe pershendeti veprimet e policise dhe falenderoi te gjithe strukturat per kapjen e autorit ne kohe”. Ne aksion jane perfshire strukturat e Qarkut te Lezhes, te Durresit dhe eshte bashkepunuar ngushte duke u kryer operacione te perbashketa me strukturat policore dhe autoritetet greke. “Arrestimi i tij eshte bere i mundur ne saje te presionit ne menyre te vazhdueshme dhe kufizimit te vendit. Ne po pergatisnim forcat per te nderhyre, por u negociua dhe autori u vetedorezua”, konfirmoi Kulici.