S'pranojne vrasjen, ngujohen pas denimit
TIRANE - Dy vellezer te denuar per vepren penale te vrasjes, jane futur ne greve urie qe prej dites se merkure ne burgun e Fushe-Krujes. Artan dhe Agron Markaj, perkatesisht 29 dhe 31 vjec nga fshati Cas-Velipoje, mesohet se kane hyre ne greve urie, per te kundershtuar vendimin e dhene nga Gjykata e Shkalles se Pare Shkoder, e cila i ka denuar dy vellezerit me nga 22 vjet burg secili. Sipas burimeve nga burgu i Fushe-Krujes, dy vellezerit kane marre kontakte me drejtuesit si dhe me psikologet. Pavaresisht bisedimeve te bera mes dy te denuarve si dhe drejtuesve te burgut per te dale nga greva, dy vellezerit kane kundershtuar te marrin ushqimet e burgut, si dhe ato te sjella nga ana e te afermve te tyre. Burimet kane shtuar se vellezerit Markaj kane vendosur ta vazhdojne greven e urise deri ne marrjen e nje pergjigje, si dhe rifillimin e gjykimit te tyre, per te hedhur drite mbi te verteten. Artan dhe Agron Markaj jane denuar nga gjykata me nga 22 vjet burg, pasi jane shpallur fajtor per veprat penale te "vrasjes me paramendim"dhe "armembajtjes pa leje". Sipas vendimit te Gjykates se Shkalles se Pare Shkoder te dhene me 22 shkurt te vitit 2008, dy vellezerit akuzoheshin per vrasjen e Gjelosh Ftonit, ne vitin 1998 ne fshatin Cas-Velipoje. Dy vellezerit, Artan e Agron Markaj, u ndaluan nga policia qe ne gusht te vitit 2003, pasi ata dyshoheshin si autore te disa veprave penale. Ne ate kohe ata ishin denuar nga gjykata me nga 10 dhe 11 vjet burg per "vjedhje me arme" dhe policia kishte deshtuar disa here ne operacionet per arrestimin e tyre. Madje ne operacionin e prangosjes se dy vellezerve, ne vitin 2003, u angazhuan dhe forca te FNSH-se, qe u mbeshteten nga nje blind. Ne mars te vitit 2006 ka nisur procesi gjyqesor per vrasjen e Gjelosh Ftonit. Ne procesin e fundit gjyqesor te nisur gati dy vjet me pare, ne mars te vitit 2006 dhe qe lidhet me vrasjen e shtetasit Gjelosh Ftoni, ne afersi te repartit ushtarak jane pyetur e ripyetur disa deshmitare, eshte bere rishikimi i vendit te ngjarjes dhe ekspertizat perkatese, eshte perjashtuar nga gjykimi me kerkese te te pandehurve prokurori i ceshtjes dhe seancat gjyqesore jane shtyre disa here. Per vrasjen me paramendim te Gjelosh Ftonit, gjykata ka denuar dhe shtetasin Almarin Pojata, si bashkepunetor ne kete vrasje.