“Statusi i Shqipërisë, i mundur në dhjetor”

Presidenca qipriote apel klasës politike shqiptare për plotësimin e tre kushteve të mbetura

Për presidencën qipriote, statusi i vendit kandidat për Shqipërinë është i mundur në dhjetor. Por për të bindur edhe shtete anëtare më të vështira si Gjermania apo Hollanda, Shqipëria duhet të plotësojë tre kushtet e mbetura para dhjetorit.
Këtë e bën të ditur zëvendësministri i Punëve të Jashtme Andreas Mavroyanis.
Momentalisht, presidenca qipriote nuk e përjashton futjen në rendin e ditës së samitit të 13 dhe 14 dhjetorit të statusit për Shqipërinë nëse plotësohen kushtet.
“Statusi në dhjetor nuk përjashtohet Puna duhet të vazhdojë dhe do të shohim. Për momentin është tepër herët të thuhet, pasi ka shtete anëtare që konsiderojnë që Shqipëria nuk ka përmbushur të gjitha kushtet për të marrë statusin. Por kjo mund të ndryshojë. Ndaj vazhdoni punën”, shprehet Mavroyanis.
Pyetjes në se, palët kanë kohë të mjaftueshme për t’ia dalë deri në dhjetor?, zëvendësministri i Punëve të Jashtme Andreas Mavroyanis, i ëprgjgijet se, “shpreosj q ët’ia dalin”.
“Ju e keni fjalën në nivelin e politikës së brendshme në Shqipëri ? Unë shpresoj që ato t’ia dalin. Ju e njihni mirë situatën. Shpresoj, që palët t’ia dalin”, shprehet Mavroyanis.
Këtë shpresë e ndan dhe Komisioni Europian, institucioni që duhet të hartojë raportin për shtete anëtare. Në takimin që ministrja Bregu ka pasur me drejtorin e përgjithshëm për zgjerimin, Stefano Saninno, ky i fundit mësohet të ketë thënë, se Komisioni Europian pret të përfshijë në raport edhe plotësimin e tre kushteve të mbetura brenda nëntorit. Vetëm kështu Shqipëria mund të shpresojë një përgjigjje pozitive nga 27 shtetet anëtare për statusin e vendit kandidat në samitin e dhjetorit. Përndryshe statusi mund të shtyhet një vit.