Steinberg rikonfirmon mbeshtetjen e SHBA-ve per Kosoven

Zevendessekretari amerikan i Shtetit, James Steinberg, ka thene se SHBA-te do te vazhdojne te mbeshtesin fuqishem shtetin e pavarur te Kosoves, ndersa rikonfirmoi qendrimin se pavaresia e Kosoves eshte ceshtje e perfunduar dhe nje realitet i ri ne Ballkan. Zevendeskryeministrja e Kosoves Edita Tahiri dhe ministri i Puneve te Jashtme Enver Hoxhaj qendruan per nje vizite pune ne SHBA, ku zhvilluan takime me zyrtare te larte ne Departamentin e Shtetit, Keshillin per Siguri Kombetare, Kongresin amerikan, si dhe mbajten nje ligjerate ne Universitetin "Xhons Hopkins -SAIS". Gjate takimit me zv. sekretarin e Shtetit Steinberg, zv. kryeministrja Tahiri dhe ministri i Jashtem Hoxhaj falenderuan shtetin amerikan per mbeshtetjen e vazhdueshme per Kosoven, dhe u angazhuan per forcimin e metejme te marredhenie mes dy vendeve. Ata gjithashtu ne kete takim prezantuan vizionin dhe programin e Qeverise se re te Kosoves per zhvillimin dhe forcimin e shtetit te pavarur te Kosoves, duke theksuar prioritetet kryesore per zhvillimin ekonomik, forcimin e sundimit te ligjit, qeverisjes e mire, fuqizimin e politikes se jashtme dhe sigurise kombetare, lobimin per njohje dhe dialogun teknik ndershteteror midis Kosoves dhe Serbise. Nga ana e tij, diplomati amerikan James Steinberg siguroi se SHBA-te do te vazhdojne te mbeshtesin fuqishem Kosoven dhe perspektiven e saj euroatlantike. Ai theksoi rendesine e zhvillimit dhe shtet-ndertimit te qendrueshem te Kosoves duke ofruar ndihme dhe mbeshtetje te gjithanshme. Duke i dhene mbeshtetje dialogut per ceshtje praktike midis Kosoves dhe Serbise, Steinberg rikonfirmoi qendrimin amerikan se pavaresia e Kosoves eshte ceshtje e perfunduar dhe nje realitet i ri ne Ballkan.