Studentet ne proteste: Rektori na mashtroi gjate zgjedhjeve

Studentet e Universitetit Teknologjik "Ismail Qemali" te Vlores protestojne duke bojkotuar per nje ore mesimin. Ata jane grumbulluar perpara godines qendrore te universitetit per te parashtruar publikisht kerkesat per heqjen e stazhit dhe kreditit qe lidhen me lendet mesimore. Duke hedhur parulla per heqjen e menjehershme te stazhit, studentet akuzuan rektorin Tanush Shaskaj, i cili gjate fushates per zgjedhjet ne kete institucion u premtoi se do te hiqej stazhi, ndersa ky premtim jo vetem qe nuk u mbajt, por per te kaluar vitin u vendos nje kufi prej 25 kreditesh qe duhen marre ne sezonin e vjeshtes, me qellim qe studenti te mos rrezikoje vitin. Nje tjeter kerkese e studenteve te Vlores ishte edhe njohja e keshillit studentor nga ana e rektoratit dhe perfshirja e tij ne mbledhje te ndryshme qe ane te bejne me problematikat apo procesin e mesimit ne universitet. Ndersa pervec dy kerkesave te parashtruara rektoratit te universitetit "Ismail Qemali", studentet vlonjate i kane kerkuar Ministrise se Arsimit te miratoje per Fakultetin e Edukimit sistemin 3+1, pasi ne kete vit te trete qe per shume prej tyre eshte i fundit nuk kane me mundesi te vijojne shtesen, qe nese nuk zhvillohet i penalizon per diplomen. Ne rast te mos marrjes parasysh te kerkesave qe u depozituan dje ne rektorat nga perfaqesia e studenteve, u paralajmerua se bojkoti do te shkonte me tej dhe do te braktisej mesimi. Afat eshte lene dita e hene, ne te kundert do te vijojne protestat para universitetit. Madje, dje, ata kane kerkuar takim me drejtuesit e institucionit arsimor duke kerkuar shpjegime perse nuk u mbajten premtimet e dhena gjate fushates per zgjedhjet ne universitete. Nese nuk jepet nje zgjidhje e kenaqshme, atehere studentet deklaruan se nuk do te shkojne me ne mesim dhe do te bojkotojne ate megjithese eshte fundi i vitit arsimor.

Premtimet e fushates ne auditore

Studentet e Universitetit te Vlores duket se u ka shkuar vota dem. Ndersa zgjodhen Tanush Shaskajn ne krye te institucionit, ata nuk e kane menduar se premtimet per heqjen e stazhit dhe zgjidhjen e problemeve me sistemin 3+1 nuk do te ishin te lehta. Por kjo harrese i ka shkundur duke i hedhur ne proteste.

O.Hila