Studimet ne Itali, shans i ri per ata qe nuk mbrojten gjuhen Luljeta Ndoka

Te gjithe aplikantet shqiptare per te kryer studimet ne universitetet italiane, dhe qe nuk kane arritur te marrin piket e duhura ne konkursin e gjuhes CELI 3, kane edhe nje shans tjeter. Instituti Italian i Kultures ka njoftuar se ata do te mund t'i nenshtrohen nje sesioni te jashtezakonshem te provimit CELI 3, me 18 qershor te ketij viti. Konkursi do te jete i vlefshem per vitin akademik 2012-2013. Te henen, me date 18 qershor 2012, do te mbahet nje sesion i jashtezakonshem i provimeve CELI 3 te Universitetit per te Huaj te Perugias. Regjistrimet kane nisur nga dita e djeshme dhe do te vazhdojne deri me 28 prill. Ky sesion eshte rezervuar vetem per ata qe kane kaluar vetem proven me shkrim ose me goje ne sesionin e fundit, me kusht qe te kene marre pike thuajse te mjaftueshme ne proven e pakaluar dhe regjistrohen ne nje kurs rikuperimi te detyrueshem prej 30 ose 45 oresh. Gjithashtu, ky sesion do te jete edhe per ata qe nuk kane mundur te regjistrohen ne kohe ne sesionin e marsit dhe tregojne se zoterojne nje njohje te mire te italishtes ne nje test orientimi te detyrueshem, perzgjedhes, me qellim pranimin ne provim. Kandidatet qe deshirojne te ndjekin studimet prane Universiteteve italiane mund te regjistrohen me rezerve prane Konsullatave perkatese, duke paraqitur mandat regjistrimin ne sesionin e jashtezakonshem te qershorit. Rezultatet e Sesionit te Jashtezakonshem CELI 3 do te komunikohen nga Universiteti i Perugia-s ne kohen e duhur per kerkesen e vizes per arsye studimi. Behet gjithashtu e ditur qe per sesionet e ardhshme CELI do te jete i detyrueshem nje test orientimi perpara regjistrimit, ne menyre qe te udhezohen kandidatet ne nivelin e provimit te pershtatshem per njohurite e tyre me qellim uljen e perqindjes se larte te pakalueshmerise. Regjistrimet per kurse pergatitore behet nga datat 7 maj - 15 qershor ne Tirane, prane Institutit Italian te Kultures. Oraret per te henen, te merkuren dhe te premten jane 14:00 -18:00, te marten dhe te enjten nga ora 10:00-14:00 dhe te shtunen 7 maj, 10:00-13:00. Kurset pergatitore do te zhvillohet nga 16 maj - 17 qershor, me qellim rikuperimin e proves se pakaluar, gjate sesionit te marsit. Kursi prej 30 oresh (5.500 Leke - 6 ore mesimi ne jave), i detyrueshem per te dhene proven me goje, ndersa kursi prej 45 oresh (8.000 Leke - 9 ore mesimi ne jave), eshte i detyrueshem per te dhene proven me shkrim. Ftohen kandidatet e rinj te ndjekin nje kurs pergatitor per provimin CELI 3 prej 24 oresh ose, te pakten, te konsultojne nje prove CELI 3, te dhene ne sesionet e kaluara, ne sitin e Universitetit per te Huaj te Perugia-s. (http://www.cvcl.it/MEDIACENTER/FE/CategoriaMedia.aspx?idc=104).

Rezultatet qe duhen arritur paraprakisht

Kandidati duhet te kete marre te pakten 60 pike ne proven me shkrim (me te pakten 20 ne proven B) dhe 24 ne proven me goje qe te mund te regjistrohet ne sesionin e jashtezakonshem te qershorit. Instituti Italian i Kultures kujton se per te kaluar provimin CELI 3, kandidati duhet te marre te pakten 84 pike ne proven me shkrim dhe 33 pike ne proven me goje.