Suedia e Spanja, per cerekfinalen

Takimi celes i dytes se dyte te grupit D padyshim qe eshte edhe me interesanti, sepse aty do te perplasen Suedia e Spanja, dy skuadrat qe kane mundur te fitojne ne takimet e tyre te para dhe qe sot ne oren 18:00 do te ndajne mes tyre vendin e pare ne grup dhe pse jo, bileten e pare cerekfinaliste. Megjithate, situata nuk eshte e njejte ne te dyja kampet. Suedia po vuan dy demtime te formacionit baze, cka do ta detyroje trajnerin Lars Lakerbak te beje modifikimet e duhura per te mos nxjerre perpara Spanjes nje ekip lehtesisht te thyeshem. Mbi te gjitha shqeteson mbrojtja, sepse ajo c'ka treguar skuadra e Luis Aragonesit ne takimin e pare eshte vertet e frikshme. Kater gola dhe mjaft aksione te frikshme kane trembur te gjitha formacionet pjesemarrese ne kete evropian. Por, Suedia e ka armen e saj, Zlatan Ibrahimovic, te cilit "mjafton t'i japesh topin se e di vete se cfare ben", duke iu referuar deklarates se trajnerit suedez. Spanja nuk ka kaluar 24 ore te mira per shkak te polemikave mes sulmuesit Fernando Torres dhe trajnerit Aragones. Shkak per kete, me sa duket, ka qene zevendesimi i shpejte ne perballjen kunder Rusise. Sidoqofte, vete lojtari ka shuar cdo thashetheme, duke i deklaruar besnikeri trajnerit te tij. Takimi tjeter sheh perballe dy humbeset e ndeshjeve te para. Greqia do te tentoje patjeter te rrembeje nje fitore per te zbutur disi imazhin e Kampioneve te Evropes pas zhgenjimit ne perballjen me Suedine. Situata ne te dyja kampet duket se favorizon ekipin e Oto Rehagelit, qe gezon shendet te plote, ndryshe nga Rusia, e cila mund te mos kete sherbimet e sulmuesit Pavljucenko.