Sulmohet me granate banesa e te fortit te Korces
Sulmohet serish banesa e te 35-vjecarit Pali Pavllit i njohur si i forti i qytetit ne vitin 1997 kete here me granate. Ngjarja ndodhi ne lagjen numer 11 ne Korce. Kjo eshte hera e dyte qe banesa e 35-vjecarit sulmohet pas asaj me arme te ndodhur ne fillim te muajit maj.
Ngjarja
Persona te paidentifikuar rreth ores tre te mengjesit te premtes kane hedhur nje granate ne banesen e 35-vjecarit e cila ndodhet ne lagjen numer 11 ne kete qytet. Granata shpertheu poshte dritares se dhomes se gjumit duke u perplasur fillimisht ne murin e baneses ndersa fatmiresisht nuk ka pasur te lenduar edhe pse ne banese ndodheshin pese anetaret e familjes Pavlli midis te cileve edhe gruaja shtatzene dhe femija tjeter i tij vetem 2 vjec.
Nga shperthimi i granates ka pasur vetem deme materiale te baneses konkretisht thyerje te xhamave te dritares se dhomes se gjumit dhe deme te tjera perreth. Por ka pasur edhe demtime te nje banese tjeter e cila ndodhet shume afer me banesen e 35-vjecarit.
Perseritja
Policia ka nisur hetimet per ngjarjen ndersa tregohet e rezervuar ne dhenien e detajeve. Kjo eshte hera e dyte brenda muajit qe banesa e te riut sulmohet serish. Ne nje maj persona te paidentifikuar sulmuan me arme banesen ne oret e vona te nates duke lene paraprakisht ne porten e shtepise private nje leter ne te cilen shkruhej Je i vdekur Nga shoku yt i vjeter.
Autoret sulmuan banesen me arme te tipit pistolete ndersa ne vendngjarje u gjeten dhe u sekuestruan dy gezhoja. Por duket se autoret te cilet sipas policise jane te njejtet kane ndryshuar menyren e organizimit te sulmit duke e riformuluar ne detaj. Edhe kete here 35-vjecari ka denoncuar ne polici rastin i cili ka rrezikuar seriozisht familjen e tij. Policia permes nje komunikate pe mediat ka konfirmuar rastin e dyte te sulmit ndaj Pavllit ndersa sqaron se ka nisur hetimi per zbardhjen dhe dokumentimin e plote te saj.
Hetimi
Sipas burimeve te policise edhe kete here eshte marre ne pyetje 35 -vjecari per te sqaruar ne lidhje me rrethanat e ngjarjes dhe me dyshimet e ngritura nga vete ai. Heren e kaluar policia tha se po hetonte te kaluaren e 35-vjecarit. Policia tashme po heton pisten e konflikteve te vjetra ndersa ende nuk ka mundur te identifikoje autoret. Aktualisht policia e Korces po vijon hetimet me qellim zbardhjen e ngjarjes dhe identifikimin dhe kapjen e autoreve ndersa familja e 35-vjecarit vijon te jete seriozisht e rrezikuar.