Superhajduti i vareseve, grabit 2 gra

Tirane- Ka mundur te qendroje vetem pak kohe jashte qelise se burgut, per te hyre prape, per te njejten veper penale. Kete here i riu nga Tirana, Altin Sejdo, ka piketuar personat, qe ndodheshin per hallet e tyre ne dyert e spitalit. Dy dite me pare, 32-vjecari ka qendruar me ore te tera ne ambientet e Qendres Spitalore Universitare "Nene Tereza", derisa eshte hedhur ne sulm. Objekti i grabitjes ka qene nje grua, e cila ka qene duke pritur ne korridorin e urgjences se ketij spitali. Pasi e ka pare hutimin e gruas, 32-vjecari e ka sulmuar duke i marre me force canten e dores. Gruaja eshte tmerruar nga kjo skene e papritur dhune, duke bertitur per t'i shpetuar dhunes se te riut. Te bertiturat jane degjuar edhe nga persona te tjere, qe ndodheshin ne ato momente ne ambientet e spitalit, te cilet kane lajmeruar menjehere forcat e sigurise qe ruajne kete institucion. Ne pak minuta forcat e policise se Komisariatit nr. 4 te kryeqytetit, kane bere te mundur kapjen ne flagrance te grabitesit 32-vjecar. Pas verifikimeve, ai rezultoi te ishte autor i dyshuar edhe i nje grabitje tjeter, po ne ambientet e QSUT-se. Sipas policise, Altin Sejdo, dyshohet se i ka vjedhur me dhune nje gruaje tjeter nje varese floriri. Per te dyja keto raste, nisen procedurat penale, duke ia kaluar dosjen prokurorise se rrethit gjyqesor Tirane. Ne dosjet e policise, Sejdo eshte i njohur, si superhajdut i proceduar disa here per te njejten veper penale. Nje vit me pare ai u kap ne rrugen "Mine Peza", duke vjedhur embelsira ne nje fugon. Sejdo ka qene nje nga personat e denuar me 20 muaj burg, per vjedhjen me dhune te nje varese floriri nje gruaje. Pasi vuajti denimin me 18 muaj burg, vitin e kaluar ai perfitoi nga amnistia, duke iu ulur denimi me 60 dite. Pasi doli nga dyert e qelise, ai ishte shprehur se do te rifillonte nje jete te re duke punuar, per te ndihmuar veten dhe te afermit, por nuk zgjati shume dhe ai perseri u kap duke kryer te njejten ritual te "zanatit" te tij te vjeter.