TIRANË/ Humbi jetën pasi u qëllua disa herë me thikë, kush është autori

Një person që u qëllua diaa herë me thikë këtë mbrëmje në Tiranë humbi jetën në spital ndërsa është identifikuar dhe arrestuat autori i krimit.

Sipas raportimeve, bëhet fjalë për 50-vjeçarin Toni Nake, i cili dyshohet se ka plagosur disa herë me thikë në bark 49-vjeçarin Kreshnik Cara.

Ngjarja ndodhi në rrugën “Marko Boçari”, ku 49-vjeçari u dëmtua me mjet prerës. Pas marrjes së njoftimit, shërbimet e Policisë shkuan menjëherë në vendngjarje dhe nisën veprimet për identifikimin dhe kapjen e autorit.

Policia njofton se, pas veprimeve të shpejta hetimore dhe operacionale, u identifikua, u kap dhe u vu në pranga autori i dyshuar, shtetasi Toni Nake, 50 vjeç.

Nga veprimet e deritanishme hetimore dyshohet se Nake ka plagosur 49-vjeçarin pas një konflikti për motive të dobëta.

Kreshnik Cara humbi jetën në spital për shkak të plagëve të marra.

Materialet procedurale iu referuan Prokurorisë për veprime të mëtejshme.m.k